Connect with us

Hi, what are you looking for?

LuduNwayOo

နိုင်ငံတကာ

သမ္မတသစ် ကျမ်းကျိန်ပွဲ ပျက်အောင် ဗုံးခွဲဖို့ စီစဉ်ခဲ့သူကို ဘရာဇီး ရဲတပ်ဖွဲ့ ဖမ်းဆီး

အသက် ၅၄ နှစ်အရွယ် အမျိုးသားဟာ ဘရာစေးလီယာ မြို့တော်က လေဆိပ်တစ်ခုနားမှာ ဆီတင်ယာဉ်ကြီး တစ်ခုကို ဖောက်ခွဲဖို့ စီစဉ်ထားခဲ့တာပါ။ ဒါပေမဲ့ ဗုံးမကွဲခဲ့ဘဲ အစီအစဉ် ပျက်ခဲ့သလို ကိုယ်တိုင်လည်း အဖမ်းခံခဲ့ရတာ ဖြစ်ပါတယ်။

သမ္မတသစ် ကျမ်းကျိန်ပွဲ ပျက်အောင် ဗုံးခွဲဖို့ စီစဉ်ခဲ့သူကို ဘရာဇီး ရဲတပ်ဖွဲ့ ဖမ်းဆီး
သမ္မတသစ် ကျမ်းကျိန်ပွဲ ပျက်အောင် ဗုံးခွဲဖို့ စီစဉ်ခဲ့သူကို ဘရာဇီး ရဲတပ်ဖွဲ့ ဖမ်းဆီး

သမ္မတသစ် ကျမ်းသစ္စာ ကျိန်ဆိုမယ့် အစီအစဉ် ပျက်ပြယ်အောင် မိုင်းခွဲဖို့ စီစဉ်ထားသူ တစ်ဦးကို ဖော်ထုတ် ဖမ်းဆီးနိုင်ခဲ့ကြောင်း ဘရာဇီး ရဲတပ်ဖွဲ့က ကြေညာပါတယ်။

သူဟာ လာမယ့် ရက်ပိုင်းမှာ သမ္မတသစ်အဖြစ် လူးဝစ်ဇ် အင်နာရှို လူလာ ဒါဆေးလ်ဗားက ကျမ်းသစ္စာ ကျိန်ဆိုမယ့် အစီအစဉ် ပျက်သွားအောင် အကြီးအကျယ် ကမောက်ကမ ဖြစ်စေမယ့် အဖျက်လုပ်ရပ် တစ်ခုကို ကြံစည်ထားခဲ့တာလို့ ဆိုပါတယ်။

အသက် ၅၄ နှစ်အရွယ် အမျိုးသားဟာ ဘရာစေးလီယာ မြို့တော်က လေဆိပ်တစ်ခုနားမှာ ဆီတင်ယာဉ်ကြီး တစ်ခုကို ဖောက်ခွဲဖို့ စီစဉ်ထားခဲ့တာပါ။ ဒါပေမဲ့ ဗုံးမကွဲခဲ့ဘဲ အစီအစဉ် ပျက်ခဲ့သလို ကိုယ်တိုင်လည်း အဖမ်းခံခဲ့ရတာ ဖြစ်ပါတယ်။

ဘရာဇီး သမ္မတဟောင်း လူလာဟာ ပြီးခဲ့တဲ့ ရွေးကောက်ပွဲမှာ တကျော့ပြန် အနိုင်ရခဲ့တဲ့နောက် ဇန်နဝါရီ ၁ ရက်မှာ ဘရာဇီး သမ္မတ နေရာကို တကျော့ပြန် တာဝန်ယူခွင့် ရတော့မှာပါ။ ဒါပေမဲ့ လက်ရှိ သမ္မတ ဂျဲရ် ဘော်လ်ဆိုနာရိုက သူ့ရဲ့ ရွေးကောက်ပွဲ အရေးနိမ့်မှုကိုရော၊ လူလာရဲ့ အနိုင်ရမှုကိုပါ အတိအလင်း ဝန်ခံတာမျိုး မရှိသေးပါဘူး။

Public Service Announcement

Public Service Announcement

ဘော်လ်ဆိုနာရိုရဲ့ လက်ယာစွန်း ထောက်ခံသူတွေကလည်း လူလာကို သမ္မတ မဖြစ်ထိုက်ဘူးလို့ ကန့်ကွက်နေပြီး လိုအပ်ရင် ဘရာဇီး စစ်တပ်ကပါ အာဏာသိမ်းသင့်တယ်လို့ တောင်းဆိုခဲ့ကြပါတယ်။ ကျမ်းသစ္စာ ကျိန်ဆိုပွဲကို ဖျက်ဆီးဖို့ ဗုံးခွဲမယ့် အခုအကြံအစည်ကိုလည်း ဘော်လ်ဆိုနာရို ထောက်ခံသူ တချို့က ဝိုင်းဝန်း ပံ့ပိုးခဲ့ကြောင်း ရဲတွေက ပြောပါတယ်။

တကယ်လို့ အဲဒီဆီတင်ကားကြီးသာ အပြင်းအထန် ပေါက်ကွဲရင် မြို့တော်မှာ အရှုပ်အထွေးတွေ ဖြစ်ကုန်ပြီး ကျမ်းသစ္စာ ကျိန်ဆိုပွဲပျက်အောင် သံသယ တရားခံ အမျိုးသားက ရည်ရွယ်ထားတာ ဖြစ်ပါတယ်။ သူထောင်ထားတဲ့ ဖောက်ခွဲရေး ကိရိယာကို ဆီတင်ကား ယာဉ်မောင်းက မတော်တဆ ရှာတွေ့သွားရာက ရဲတွေဆီကို အကြောင်းကြားခဲ့တာပါ။

လူလာ သမ္မတ ဖြစ်လာရင် တရားရေး ဝန်ကြီး အနေနဲ့ တာဝန်ယူမယ့် ဖလာဗီယို ဒီနိုကတော့ အခုဖြစ်စဉ်ကို အကြောင်းပြုပြီး ကျမ်းသစ္စာ ကျိန်ဆိုပွဲ မတိုင်ခင် ကြိုတင် ပြင်ဆင်ထားတဲ့ လုံခြုံရေး အစီအမံတွေကို ပြန်လည် သုံးသပ်ပြီး အားဖြည့်သင့်တာတွေ ဖြည့်သွားမယ်လို့ ပြောကြားထားပါတယ်။

ဆက်စပ်သတင်းများ

နိုင်ငံတကာ

အမေရိကန်လုပ် အပေါ့စား တိုက်လေယာဉ်တွေဟာ နှစ်အလိုက် အဆင့်မြှင့်မှုတွေ ဆက်တိုက် လုပ်ဆောင်ခဲ့ပြီး လက်ရှိ ယူကရိန်း လေတပ်က အသုံးပြုနေတဲ့ ဆိုဗီယက်ဒီဇိုင်း တိုက်လေယာဉ်တွေထက် နည်းပညာပိုင်း အများကြီး ပိုမို မြင့်မားပါတယ်။

နိုင်ငံတကာ

ရှိန်ဘွမ်က သူဟာ အော့ဘရာဒို လက်ထက်မှာ ရရှိခဲ့တဲ့ တိုးတက်မှုတွေကို ဆက်လက် ထိန်းသိမ်း ပျိုးထောင်ရင်း ပိုမိုကောင်းမွန်အောင် ကြိုးစားသွားမယ်လို့ မဲဆွယ်ခဲ့တာ ဖြစ်ပါတယ်။

သတင်း

စစ်ကောင်စီသည် အသက်မပြည့်သေးသည့် ကလေးလူငယ်များကို နိုင်ငံရေးပုဒ်မများဖြင့် ဖမ်းဆီးပြီးနောက် လူငယ်ထိန်းသိမ်းရေးသင်တန်းကျောင်း အမည်ခံကလေးလူငယ်အကျဉ်းထောင်များကို ပို့ဆောင်၍ မတရားဖမ်းဆီးထိန်းသိမ်းထားသည်။

နိုင်ငံတကာ

စီရင်ချက်ကို ဖတ်ကြားချိန် ထရမ့်က တရားခွင်မှာ ငူငူကြီး ထိုင်နေခဲ့ပြီး ရုံးအပြင်ဖက်မှာ စုဝေးနေတဲ့ သူ့ကို ဆန့်ကျင်သူတွေရဲ့ အောင်ပွဲခံ အော်ဟစ်သံတွေကို ကြားနေခဲ့ရတယ်လို့ မျက်မြင်တွေက ဆိုပါတယ်။