Connect with us

Hi, what are you looking for?

LuduNwayOo

နိုင်ငံတကာ

ယူကရိန်းရဲ့ တန်ပြန်ထိုးစစ် အောင်မြင်မယ်လို့ သမ္မတ ဇီလန်စကီးပြော

သမ္မတ ဇီလန်စကီးကတော့ ယူကရိန်းရဲ့ တန်ပြန်ထိုးစစ်ကြောင့် စစ်ပွဲရဲ့ လားရာမှာ ကြီးမားတဲ့ အပြောင်းအလဲ သက်ရောက်မှုတွေ ဖြစ်လာစေမယ်လို့ မျှော်လင့်ထားကြောင်း ပြောပါတယ်။

ယူကရိန်းရဲ့ တန်ပြန်ထိုးစစ် အောင်မြင်မယ်လို့ သမ္မတ ဇီလန်စကီးပြော
ယူကရိန်းရဲ့ တန်ပြန်ထိုးစစ် အောင်မြင်မယ်လို့ သမ္မတ ဇီလန်စကီးပြော

တန်ပြန်ထိုးစစ် လက်တွေ့ စတင်ချိန်မှာ ရုရှားအပေါ် ထိထိရောက်ရောက် ထိုးနှက်ပြီး အောင်ပွဲတွေ ရရှိမယ်လို့ ယုံကြည်ထားကြောင်း ယူကရိန်း သမ္မတ ဗိုလိုဒီမာ ဇီလန်စကီးက ပြောပါတယ်။

ယူကရိန်းဟာ ရုရှားက ကျူးကျော် သိမ်းပိုက်ထားရာ နယ်မြေတွေကို ပြန်လည် ထိန်းချုပ်နိုင်ဖို့အတွက် တန်ပြန်ထိုးစစ် အစီအမံ တစ်ရပ်ကို ရေးဆွဲနေကြောင်း ကာလရှည်ကြာ သတင်းတွေ ထွက်ပေါ်နေပါတယ်။ ယူကရိန်း အာဏာပိုင်တွေကလည်း တန်ပြန်ထိုးစစ် ဆင်နွှဲနိုင်ခြေကို အတည်ပြုထားပေမယ့် သတ်မှတ် အချိန်ကာလကိုတော့ ထုတ်မပြောခဲ့ပါဘူး။

Public Service Announcement

Public Service Announcement

ဇီလန်စကီးကတော့ ယူကရိန်းရဲ့ တန်ပြန်ထိုးစစ် စပြီဆိုတာနဲ့ ရုရှားတပ်တွေအပေါ် အသာစီး ယူနိုင်မယ်လို့ ယုံကြည်ထားကြောင်း Wall Street Journalနဲ့ အင်တာဗျူးမှာ ပြောပါတယ်။

တန်ပြန်ထိုးစစ်အတွက် အစီအစဉ်တွေ ရေးဆွဲဖို့ အချိန်ဘယ်လောက် ယူရမယ်ဆိုတာ သူမသိကြောင်း၊ ရိုးရိုးသားသား ပြောရရင် ဒီကိစ္စဟာ တိတိကျကျ သတ်မှတ်လို့ မရတဲ့ လမ်းကြောင်းတွေ ရှိနေကြောင်း၊ ဒါပေမဲ့ ယူကရိန်းဟာ တန်ပြန်ထိုးစစ်ကို အမှန်တကယ် အကောင်အထည် ဖော်မှာ ဖြစ်သလို အဲဒီအတွက်လည်း အဆင်သင့် ပြင်ဆင်ထားကြောင်း ဇီလန်စကီးက မှတ်ချက် ပေးသွားခဲ့ပါတယ်။

ယူကရိန်းရဲ့ တန်ပြန်ထိုးစစ်နဲ့ ပတ်သက်လို့ ထင်ကြေး ကောလာဟလတွေ ပိုမို အားကောင်းလာတဲ့ အချိန်မှာ ရုရှားကလည်း ယူကရိန်းနိုင်ငံ အနှံ့က မြို့ကြီးတွေကို ဒုံးကျည်တွေ၊ ဒရုန်းတွေနဲ့ တိုက်ခိုက်မှုတွေကို အရှိန် မြှင့်တင်လာခဲ့ပါတယ်။ ဒါပေမဲ့ ယူကရိန်း ကာကွယ်ရေး ဝန်ကြီးဌာနကတော့ ရုရှားရဲ့ လေကြောင်း တိုက်ခိုက်မှုတွေကို ၉၀ ရာခိုင်နှုန်းလောက်ထိ ကြားဖြတ် ဟန့်တားနိုင်စွမ်း ရှိနေကြောင်း ကြေညာထားပါတယ်။

ယူကရိန်းရဲ့ ဒုတိယ ကာကွယ်ရေးဝန်ကြီး ဗိုလိုဒီမာ ဟက်ဗ်ရီလော့ဗ်က မေလအတွင်း ကိယက်ဗ်မြို့တော် အပါအဝင် ယူကရိန်းရဲ့ မြို့ပြ ဧရိယာတွေဟာ စစ်ပွဲ စတင်ခဲ့တဲ့ ကာလနောက်ပိုင်း မကြုံဖူးလောက်အောင် ဒုံးကျည် တိုက်ခိုက်မှုတွေ အများအပြားကို ရင်ဆိုင်ခဲ့ရကြောင်း မှတ်ချက် ပေးခဲ့ပါတယ်။

Public Service Announcement

Public Service Announcement

တစ်နည်းအားဖြင့် ရုရှားဟာ ယူကရိန်းရဲ့ တန်ပြန်ထိုးစစ်ကို ဟန့်တားနိုင်ဖို့အတွက် စစ်ရေးအရ အချက်အခြာ ဆုံးဖြတ်ချက်တွေ ချမှတ်ပေးနိုင်တဲ့ နေရာတွေကို အသည်းအသန် တိုက်ခိုက်နေတာ ဖြစ်တယ်လို့ သူက ဆိုပါတယ်။

သမ္မတ ဇီလန်စကီးကတော့ ယူကရိန်းရဲ့ တန်ပြန်ထိုးစစ်ကြောင့် စစ်ပွဲရဲ့ လားရာမှာ ကြီးမားတဲ့ အပြောင်းအလဲ သက်ရောက်မှုတွေ ဖြစ်လာစေမယ်လို့ မျှော်လင့်ထားကြောင်း ပြောပါတယ်။

ပြီးခဲ့တဲ့နှစ်၊ ဖေဖော်ဝါရီ လကုန်ပိုင်းမှာ ရုရှားဟာ အိမ်နီးချင်း ယူကရိန်း နိုင်ငံကို အင်အား အလုံးအရင်းနဲ့ ကျူးကျော် တိုက်ခိုက်ခဲ့ပြီး သီတင်းပတ် အနည်းငယ် အကြာမှာပဲ ယူကရိန်းရဲ့ ရွပ်ရွပ်ချွံချွံ ခုခံမှုတွေကြောင့် ကိယက်ထိ တက်ပြီး သိမ်းပိုက်မယ့် ရည်မှန်းချက်ကို ရုရှားစစ်တပ်က လက်လျှော့ခဲ့ရပါတယ်။ ဒါပေမဲ့ ယူကရိန်း နိုင်ငံရဲ့ ၅ ပုံ ၁ ပုံလောက် ဧရိယာတွေဟာ ရုရှားရဲ့ ထိန်းချုပ်မှုအောက်မှာ ကျရောက်နေဆဲ ဖြစ်ပါတယ်။