Connect with us

Hi, what are you looking for?

LuduNwayOo

နိုင်ငံတကာ

အစ္စရေးကို F-15 တိုက်လေယာဉ် အသစ်တွေ တင်ပို့ရောင်းချရေးကိစ္စ အမေရိကန် အစိုးရ မီးစိမ်းပြ

F-15အသစ်တွေ မှာယူမယ့် ကိစ္စကတော့ အဆုံးသတ်မှာ ချောမွေ့ အဆင်ပြေသွားလိမ့်မယ်လို့ ခန့်မှန်းရပေမယ့် တစ်ဖက်မှာလည်း အစ္စရေးက လေယာဉ်တွေ မြန်နိုင်သမျှ မြန်မြန် ပို့ဆောင်ပေးဖို့ အမေရိကန်ကို တောင်းဆိုထားကြောင်း သိရပါတယ်။

အစ္စရေးကို F-15 တိုက်လေယာဉ် အသစ်တွေ တင်ပို့ရောင်းချရေးကိစ္စ အမေရိကန် အစိုးရ မီးစိမ်းပြ
အစ္စရေးကို F-15 တိုက်လေယာဉ် အသစ်တွေ တင်ပို့ရောင်းချရေးကိစ္စ အမေရိကန် အစိုးရ မီးစိမ်းပြ

ဂါဇာစစ်ပွဲကို အကြောင်းပြုပြီး သဘောထား ကွဲလွဲမှုတွေ ရှိနေတဲ့တိုင် အမေရိကန် အစိုးရဟာ အစ္စရေးအတွက် F-15 တိုက်လေယာဉ်တွေ ရောင်းချပေးဖို့ မီးစိမ်းပြလိုက်ပါတယ်။

အခု သဘောတူညီထားတဲ့ လက်နက် အရောင်းအဝယ် စာချုပ်ဟာ ဒေါ်လာ ၁၈ ဘီလီယံကျော် တန်ဖိုးရှိမယ်လို့ ယူဆရပြီး အမေရိကန်လုပ် အဆင့်မြှင့်တင်ထားတဲ့ F-15 တိုက်လေယာဉ် အစီး ၅၀ လောက်ကို အစ္စရေးဆီ တင်ပို့ပေးမှာ ဖြစ်တယ်လို့ အကြောင်းသိတွေက ပြောပါတယ်။

F-15တွေရဲ့ ထုတ်လုပ်မှု သက်တမ်းဟာ နှစ်ပေါင်း ၅၀ ကျော် ကြာမြင့်လာပြီ ဖြစ်ပေမယ့် McDonell Douglasနဲ့ Boeing ကုမ္ပဏီတို့ဟာ နည်းပညာပိုင်း စဉ်ဆက်မပြတ် အဆင့်မြှင့်တင်မှုတွေ လုပ်ဆောင်ပေးခဲ့ပြီး လက်ရှိ အချိန်ထိ ကမ္ဘာပေါ်မှာ အစွမ်းအထက်ဆုံး စာရင်းဝင် တိုက်လေယာဉ် အမျိုးအစား တစ်ခုအဖြစ် ရပ်တည်နေပါတယ်။

F-15တွေဟာ ဝေဟင်စီးချင်း တိုက်ပွဲတွေမှာ လုံးဝ အရှုံးမရှိခဲ့ဘူးဆိုတဲ့ စံချိန်ကောင်းကို ပိုင်ဆိုင်ထားပြီး အစ္စရေး လေတပ်ရဲ့ မဟာဗျူဟာမြောက် အားအကိုးဆုံး တိုက်လေယာဉ် အမျိုးအစားလည်း ဖြစ်နေပါတယ်။

Public Service Announcement

Public Service Announcement

အခုအခါ အမေရိကန်က အစ္စရေးဆီ တိုက်လေယာဉ်တွေ ထပ်မံရောင်းချပေးဖို့ မူအားဖြင့် လက်ခံလိုက်ပေမယ့် ချက်ချင်းတော့ လေယာဉ်အသစ်တွေကို ပို့ဆောင်ပေးမယ့် အလားအလာ မရှိပါဘူး။ အထူးသဖြင့် ဂါဇာထိုးစစ်မှာ အစ္စရေးကို ထောက်ခံကူညီလို့ ဝေဖန်မှုတွေ ခံခဲ့ရတဲ့ သမ္မတ ဂျိုးဘိုင်ဒန်ရဲ့ အစိုးရဟာ လက်ရှိ ကာလမျိုးမှာ အခုလို ထိလွယ်ရှလွယ် ဖြစ်လာနိုင်တဲ့ ကိစ္စမျိုးကို သတိကြီးကြီး ကိုင်တွယ်ရမှာ ဖြစ်ပါတယ်။

ပြီးတော့ အမေရိကန် လွှတ်တော်မှာ၊ အထူးသဖြင့် သမ္မတ ဘိုင်ဒန် ကိုယ်စားပြုတဲ့ ဒီမိုကရက်ပါတီရဲ့ အတွင်းပိုင်းမှာတင် အခုလို တိုက်လေယာဉ်တွေ အစ္စရေးဆီ ရောင်းချပေးတဲ့ ကိစ္စအပေါ် အပြင်းအထန် ဆွေးနွေး ငြင်းခုံကြရဖို့ ရှိနေပါတယ်။ ပြိုင်ဘက် ရီပတ်ဘလစ်ကန် ပါတီကတော့ အစ္စရေးကို တိုက်လေယာဉ်တွေ ရောင်းပေးမယ့် ကိစ္စကို လိုလားထောက်ခံမယ့် သဘောမျိုး ပြသထားပါတယ်။

ဟားမားစ်တွေက အစ္စရေးပိုင်နက်ကို ကျူးကျော်လို့ စတင်ခဲ့တဲ့ ဂါဇာစစ်ပွဲအတွင်း အမေရိကန်ဟာ အစ္စရေးအတွက် စစ်လက်နက်တွေ တင်ပို့ရောင်းချမှု အကြိမ်ပေါင်း ၁၀၀ ကျော် သဘောတူခဲ့ပေမယ့် အများစုက လွှတ်တော်ရဲ့ သဘောတူညီမှု လုပ်ထုံးလုပ်နည်း ကိစ္စတွေ ကြန့်ကြာတာကြောင့် အထမမြောက်ခဲ့ပါဘူး။

F-15အသစ်တွေ မှာယူမယ့် ကိစ္စကတော့ အဆုံးသတ်မှာ ချောမွေ့ အဆင်ပြေသွားလိမ့်မယ်လို့ ခန့်မှန်းရပေမယ့် တစ်ဖက်မှာလည်း အစ္စရေးက လေယာဉ်တွေ မြန်နိုင်သမျှ မြန်မြန် ပို့ဆောင်ပေးဖို့ အမေရိကန်ကို တောင်းဆိုထားကြောင်း သိရပါတယ်။

ကိုးကား: AP⁩

ဆက်စပ်သတင်းများ

ဆောင်းပါး

မြဝတီမြို့ပြင်တိုက်ပွဲများကြောင့် မြို့ခံအချို့မှာ လုံခြုံရေးအခြေအနေစိုးရိမ်၍ ယခုရက်ပိုင်းအတွင်း ထိုင်းနိုင်ငံ၊​ မဲဆောက်မြို့သို့ ပြောင်းရွှေ့နေထိုင်မှုများလည်း ရှိနေသည်။

နိုင်ငံတကာ

ဟန်နီရာဟာ ဟားမားစ်ရဲ့ စကားပြော တင်းမာ ပြတ်သားသူ ခေါင်းဆောင်တစ်ဦးအဖြစ် လူသိများပါတယ်။ နိုဝင်ဘာလတုန်းကလည်း ဂါဇာမှာ ရှိနေတဲ့ သူ့ရဲ့ မိသားစု နေအိမ်ဟာ အစ္စရေး လေကြောင်း တိုက်ခိုက်မှု တစ်ခုကြောင့် ပျက်စီးခဲ့ပါတယ်။

နိုင်ငံတကာ

အမေရိကန် လေတပ်ဟာ CCAလို့ နာမည်ပေးထားတဲ့ ပရောဂျက်ကို အကောင်အထည်ဖော် စမ်းသပ်နေတာ နှစ်နဲ့ချီ ကြာမြင့်ခဲ့ပြီ ဖြစ်ပြီး ရှိရင်းစွဲ တိုက်လေယာဉ်တွေကို လေယာဉ်မှူးတွေအစား AIက ဆုံးဖြတ် ပျံသန်းတာမျိုး ခိုင်းစေနေတာ ဖြစ်ပါတယ်။

နိုင်ငံတကာ

ဂါဇာမှာ လူမျိုးသုဉ်း သတ်ဖြတ်မှုတွေ ဖန်တီးခဲ့တယ်ဆိုတဲ့ ဘာအထောက်အထားမှ မတွေ့ရဘူးလို့ အော်စတင်က အမေရိကန် အထက်လွှတ်တော်၊ လက်နက်ကိုင် တပ်ဖွဲ့များဆိုင်ရာ ကော်မတီရဲ့ ကြားနာမှု အစီအစဉ်မှာ အော်စတင်က ပြောကြားသွားပါတယ်။