Connect with us

Hi, what are you looking for?

LuduNwayOo

နိုင်ငံတကာ

ရုရှားတပ်တွေ ရုပ်သိမ်းပေးရင် ငြိမ်းချမ်းရေး ဆွေးနွေးမှု ချက်ချင်းစနိုင်မယ်လို့ ယူကရိန်း သမ္မတဆို

ရုရှားက ယူကရိန်းမှာ အထူးစစ်ဆင်ရေး (အော်ပရေးရှင်း)တစ်ခု ဆင်နွှဲတာသာ ဖြစ်တယ်လို့ တရားဝင် သုံးနှုန်းနေတာကို ငြင်းဆိုပြီး စစ်ပွဲအဖြစ် သတ်မှတ် ကြေညာခဲ့ပါတယ်။

ရုရှားတပ်တွေ ရုပ်သိမ်းပေးရင် ငြိမ်းချမ်းရေး ဆွေးနွေးမှု ချက်ချင်းစနိုင်မယ်လို့ ယူကရိန်း သမ္မတဆို
ရုရှားတပ်တွေ ရုပ်သိမ်းပေးရင် ငြိမ်းချမ်းရေး ဆွေးနွေးမှု ချက်ချင်းစနိုင်မယ်လို့ ယူကရိန်း သမ္မတဆို

ရုရှားတပ်တွေ ဆုတ်ခွာပေးမယ် ဆိုတာနဲ့ ငြိမ်းချမ်းရေး ဆွေးနွေးမှု စတင်ဖို့ လက်ကမ်းမှာ ဖြစ်တယ်လို့ ယူကရိန်း သမ္မတ ဗိုလိုဒီမာ ဇီလန်စကီးက ပြောကြားလိုက်ပါတယ်။

ပြီးခဲ့တဲ့ ရက်ပိုင်းတုန်းက ရုရှားသမ္မတ ဗလာဒီမာ ပူတင်က ယူကရိန်း တပ်တွေဟာ ခရိုင်းမီးယား ကျွန်းဆွယ် အပါအဝင် လက်ရှိ ရုရှား ထိန်းချုပ်ထားရာ နယ်မြေတွေ အားလုံးက ဆုတ်ခွာပေးတဲ့အပြင် တချို့သော နယ်မြေတွေကိုပါ ထပ်မံ စွန့်လွှတ်မှ အပစ်အခတ် ရပ်စဲပြီး ငြိမ်းချမ်းရေး ဆွေးနွေးမယ်လို့ ပြောခဲ့ဖူးပါတယ်။

အခု ဇီလန်စကီးရဲ့ အဆိုပြုချက်ကတော့ ယူကရိန်း ပိုင်နက်ထဲက ရုရှားတပ်တွေ အားလုံး ရုပ်သိမ်းပေးရမယ်ဆိုတဲ့ အဓိပ္ပါယ် ဖြစ်တာကြောင့် နှစ်ဖက် တောင်းဆိုမှုတွေဟာ ဖြောင့်ဖြောင့်ကြီး ဆန့်ကျင်နေပြီး ညှိနှိုင်းလို့ မရနိုင်တဲ့ အခြေအနေဆီ ဦးတည်နေဆဲပါ။

ဆွစ်ဇာလန် နိုင်ငံမှာ ကျင်းပခဲ့တဲ့ ယူကရိန်း ငြိမ်းချမ်းရေး ဆွေးနွေးပွဲမှာ ဇီလန်စကီးက ပူတင်ဟာ စစ်ပွဲကို စိတ်လိုလက်ရ ရပ်ဆိုင်းမယ့်သူ မဟုတ်ကြောင်း၊ ယူကရိန်းဟာ စစ်ကို ရပ်တန့်ဖို့ စစ်ရေးအရရော၊ သံတမန်ရေး အရပါ စွမ်းနိုင်သမျှ ကြိုးစားနေမှာဖြစ်ကြောင်း ပြောကြားသွားခဲ့ပါတယ်။

Public Service Announcement

Public Service Announcement

အနောက်မဟာမိတ် နိုင်ငံတွေက စုပေါင်းထောက်ပံ့နေရုံ သက်သက်နဲ့ စစ်ပွဲကို အနိုင်ရနိုင်စရာ မရှိကြောင်း၊ ဒါပေမဲ့ ငြိမ်းချမ်းရေး ဆွေးနွေးပွဲ အနေအထားအရ နိုင်ငံတကာဟာ ယူကရိန်းကို ပစ်ပယ်မထားသေးဘူး ဆိုတာကို နားလည်မိလို့ အားတက်မိကြောင်းလည်း ဇီလန်စကီးက ဆိုပါတယ်။

အစည်းအဝေးမှာတော့ ယူကရိန်းရဲ့ အချုပ်အခြာ အာဏာကို အသိအမှတ်ပြုတဲ့ နိုင်ငံတော်တော်များများက ပါဝင် တက်ရောက်ခဲ့ပါတယ်။ အနှစ်ချုပ် ကြေညာချက်မှာတော့ စစ်ပွဲကြောင့် ဖြစ်ပေါ်လာတဲ့ ကျယ်ပြန့်တဲ့ ထိခိုက်ပျက်စီးမှု၊ နစ်နာမှုတွေအတွက် ရုရှားကို အဓိက အပြစ်တင် ဝေဖန်ထားတာ တွေ့ရပါတယ်။

ထုတ်ပြန်ချက်အရ ပြီးခဲ့တဲ့ သီတင်းပတ်ကုန် ဆွေးနွေးပွဲကို နိုင်ငံနဲ့ အဖွဲ့စုစုပေါင်း ၉၀ ကျော်က ချိတ်ဆက် တက်ရောက်ခဲ့တယ်လို့ သိရပါတယ်။ ဆွေးနွေးပွဲမှာ ရုရှားကို ဖိတ်ကြားမထားသလို ရုရှားရဲ့ အဓိက မိတ်ဆွေရင်းချာ စူပါပါဝါနိုင်ငံ တရုတ်လည်း မတက်ရောက်ခဲ့ပါဘူး။

ဆွစ်ဇာလန်နိုင်ငံရဲ့ အပန်းဖြေ မြို့တစ်ခုဖြစ်တဲ့ ဘာဂျန်စတော့ခ်မှာ ကျင်းပတဲ့ ဆွေးနွေးပွဲမှာ ယူကရိန်းရဲ့ အနီးကပ် အားပေးထောက်ခံသူတွေ မဟုတ်တဲ့ ဆော်ဒီအာရေးဘီးယား၊ ကင်ညာတို့ပါ တက်ရောက်ခဲ့တာ တွေ့ရပါတယ်။ ဆော်ဒီဟာ စစ်ပွဲ ရပ်ဆိုင်းချင်ရင် ယူကရိန်း အနေနဲ့ ခက်ခဲပေမယ့် လိုအပ်တဲ့ အပေးအယူတွေ လုပ်ကို လုပ်ရမယ်လို့ မှတ်ချက် ပေးထားဖူးသလို ကင်ညာကလည်း ရုရှားအပေါ် အရေးယူ ပိတ်ဆို့မှုတွေ မြှင့်တင်တာကို ကန့်ကွက်ထားတဲ့ နိုင်ငံပါ။

နောက်ဆုံးအတည်ပြု ကြေညာချက်မှာတော့ ရုရှားတပ်တွေ လောလောဆယ် ထိန်းချုပ်ထားရာ ဇာပိုရစ်ဇီရာ နျူကလီးယား ဓာတ်အားပေး စက်ရုံကို ယူကရိန်းဆီ ပြန်လည် လွှဲအပ်ဖို့ တောင်းဆိုမှုလည်း ပါဝင်ခဲ့ပါတယ်။ ဒါ့အပြင် ရုရှားက ယူကရိန်းမှာ အထူးစစ်ဆင်ရေး (အော်ပရေးရှင်း)တစ်ခု ဆင်နွှဲတာသာ ဖြစ်တယ်လို့ တရားဝင် သုံးနှုန်းနေတာကို ငြင်းဆိုပြီး စစ်ပွဲအဖြစ် သတ်မှတ် ကြေညာခဲ့ပါတယ်။

ဇီလန်စကီးက အစည်းအဝေး တက်ရောက်တဲ့ ကမ္ဘာ့နိုင်ငံ အသီးသီးရဲ့ ခေါင်းဆောင်တွေကို ကျေးဇူးတင်ကြောင်း သတင်းစာ ရှင်းလင်းပွဲမှာ ပြောကြားခဲ့ပါတယ်။ သူက ရုရှားတပ်တွေ ယူကရိန်း ပိုင်နက်ထဲက ဒီနေ့ရုပ်သိမ်းရင် မနက်ဖြန် ငြိမ်းချမ်းရေး ဆွေးနွေးမှု စတင်နိုင်မှာ ဖြစ်တယ်လို့လည်း ဆိုပါတယ်။ သူက တရုတ်ကို ယူကရိန်းရဲ့ ရန်သူအဖြစ် သဘောမထားကြောင်းလည်း ထပ်လောင်း ပြောဆိုသွားပါတယ်။ တရုတ်ရဲ့ ရပ်တည်မှုနဲ့ အချုပ်အခြာ အာဏာပိုင်ဆိုင်မှုကို ယူကရိန်းက လေးစားကြောင်း၊ တရုတ်ဖက်ကလည်း အလားတူ တုံ့ပြန်မှုမျိုး ပြသတာကို မျှော်လင့်ကြောင်း ဇီလန်စကီးက ဖွင့်ဟသွားပါတယ်။

ကိုးကား: Reuters⁩

ဆက်စပ်သတင်းများ

နိုင်ငံတကာ

အမေရိကန်လုပ် အပေါ့စား တိုက်လေယာဉ်တွေဟာ နှစ်အလိုက် အဆင့်မြှင့်မှုတွေ ဆက်တိုက် လုပ်ဆောင်ခဲ့ပြီး လက်ရှိ ယူကရိန်း လေတပ်က အသုံးပြုနေတဲ့ ဆိုဗီယက်ဒီဇိုင်း တိုက်လေယာဉ်တွေထက် နည်းပညာပိုင်း အများကြီး ပိုမို မြင့်မားပါတယ်။

နိုင်ငံတကာ

ဘိုင်ဒန်ဟာ ဝါရှင်တန်ကို ရောက်လာတဲ့ တခြားအဖွဲ့ဝင် ၃၁ နိုင်ငံ ခေါင်းဆောင်တွေကို တစ်ဦးချင်း ကြိုဆိုနှုတ်ဆက်ခဲ့ပြီး ညီလာခံ အဖွင့်နေ့မှာပဲ ယူကရိန်းအတွက် F-16 တိုက်လေယာဉ်တွေ ထောက်ပံ့မယ့် ကိစ္စကို ဘိုင်ဒန်က အတည်ပြု ကြေညာခဲ့တာ ဖြစ်ပါတယ်။

နိုင်ငံတကာ

မော်စကိုမြို့ တရားရုံးရဲ့ ဝရမ်းထုတ်ပြန်မှုကြောင့်တော့ သူဟာ ခင်ပွန်းဖြစ်သူ လျှောက်ခဲ့တဲ့လမ်းကို စွန့်ခွာမှာ မဟုတ်ကြောင်းလည်း ယူလီယာက ပြောကြားသွားပါတယ်။

နိုင်ငံတကာ

မိုဒီက ရုရှားကို သူဆိုက်ရောက်တဲ့ မှတ်တမ်း ဓာတ်ပုံတွေကို လူမှုကွန်ရက် မီဒီယာ Xမှာ ရုရှား၊ အင်္ဂလိပ် နှစ်ဘာသာ စာညွှန်းရေးပြီး တင်ထားခဲ့ပါတယ်။