ပုပ်ရဟန်းမင်းကြီး လီယိုရဲ့ ပထမဆုံး ပြည်ပ ခရီးစဉ်တွေနဲ့ ပတ်သက်လို့ ဗာတီကန် နန်းတော်က အတည်ပြု ကြေညာခဲ့ပါတယ်။
ပုပ်ရဟန်းမင်းကြီး လီယို ၁၄ ဟာ ရိုမန်ကက်သလစ် ခရစ်ယာန် ဘာသာရေးရဲ့ အထွဋ်အခေါင်ပုဂ္ဂိုလ် ရာထူးကို ဆက်ခံယူပြီးတဲ့နောက် ပထမဆုံး ပြည်ပ ခရီးစဉ်အဖြစ် တူရကီနဲ့ လက်ဘနွန်တို့ကို ရွေးချယ်ထားကြောင်း သိရပါတယ်။
ဒါဟာ ပုပ်ရဟန်းမင်းကြီး အနေနဲ့ အရှေ့အလယ်ပိုင်း ငြိမ်းချမ်းရေးကို ဦးစားပေး မြှင့်တင်လိုတဲ့ သဘောထားကို ပြသခြင်းလို့လည်း ယူဆနိုင်ပါတယ်။ အဲဒီ နှစ်နိုင်ငံကို သွားရောက်တဲ့ အတောအတွင်း ပုပ်ရဟန်းမင်းကြီးဟာ နိုင်ငံရေး ခေါင်းဆောင်တွေ၊ ဒေသခံ ခရစ်ယာန်တွေနဲ့ တွေ့ဆုံမှာ ဖြစ်ပါတယ်။
အမေရိကန် နိုင်ငံသား တစ်ဦးအနေနဲ့ ပထမဆုံး ပုပ်ရဟန်းမင်း ဖြစ်လာတဲ့ ပုပ်လီယိုဟာ တူရကီမှာ နိုဝင်ဘာ ၂၇ ရက်နေ့ကနေ ၃၀ ရက်နေ့ထိ ရှိနေမှာဖြစ်ပြီး အဲဒီနောက် နိုဝင်ဘာ ၃၀ ကနေ ဒီဇင်ဘာ ၂ ရက်ထိ လက်ဘနွန်ကို ရောက်ရှိနေမှာ ဖြစ်ပါတယ်။
Public Service Announcement
ပုပ်ရဟန်းမင်းရဲ့ တူရကီ ခရီးစဉ်ဟာ ခရစ်ယာန် ဘာသာရေးမှာ အရေးပါတဲ့ နီစီယာ ကောင်စီ နှစ် ၁၇၀၀ ပြည့်နဲ့လည်း တိုက်ဆိုင်နေမှာ ဖြစ်ပါတယ်။ လက်ဘနွန်ကို ရွေးချယ်ခဲ့တာကတော့ ထိခိုက်နာကျင်မှုတွေ အရမ်းများနေခဲ့တဲ့ အရှေ့အလယ်ပိုင်း ဒေသအတွက် ငြိမ်းချမ်းရေး အားပေးမှု သတင်းစကားတစ်ခု ဆောင်ယူချင်လို့ ဖြစ်တယ်လို့ ပုပ်ရဟန်းမင်းကြီးက သတင်းထောက်တွေက ပြောပါတယ်။
ပုပ်လီယိုဟာ အရင် ပုပ်ရဟန်းမင်းကြီး ဖရန်ဆစ် ကွယ်လွန်သွားတဲ့နောက် မေလ ၈ ရက်နေ့ကစလို့ အရိုက်အရာ ဆက်ခံခဲ့တာ ဖြစ်ပါတယ်။ အသက် ၇၀ အရွယ် ပုပ်လီယိုဟာ ပုပ်ဖရန်ဆစ် လက်ထက်က စီစဉ်ထားခဲ့ပေမယ့် ကျန်းမာရေး ဆိုးရွားလာလို့ မသွားဖြစ်ခဲ့တဲ့ နှစ်နိုင်ငံကိုပဲ သူ့ရဲ့ ပထမဆုံး ပြည်ပခရီးစဉ်အဖြစ် ဆက်လက် ရွေးချယ်ခဲ့တာ ဖြစ်တယ်လို့ ဗာတီကန် နန်းတော်က ရှင်းပြထားပါတယ်။
ကိုးကား: CNN
