'/%3E%3C/svg%3E){kind=small}
စစ်ကိုင်းတိုင်း ယင်းမာပင်မြို့နယ်တွင် ယမန်နေ့(အောက် တိုဘာ ၂၁)မွန်းလွဲပိုင်းက အကြမ်းဖက်စစ်ကောင်စီတပ်ကို ယင်းမာပင် PDFကမိုင်းခွဲတိုက်ခိုက်ခဲ့ရာ စစ်သား ငါးဦးသေဆုံးကြောင်း ဒေသခံများက ပြောသည်။
ယင်းမာပင်မြို့နယ် လက်ပံရွာ သင်္ချိုင်းနားသို့ ရောက်ရှိလာသော တပ်သား ၁၀၀ခန့်ပါဝင်သည့် အကြမ်းဖက်စစ်ကောင်စီတပ်အား ယင်းမာပင် PDFအဖွဲ့က ယမန်နေ့ မွန်းလွဲ ၂နာရီခန့်တွင် မိုင်းခွဲတိုက်ခိုက်ခဲ့ခြင်းဖြစ်ပြီး အကြမ်းဖက် စစ်သားငါးဦး သေဆုံးခဲ့ခြင်းဖြစ်ကြောင်း ယင်းမာပင်ဒေသခံများက ပြောသည်။
အောက်တိုဘာ ၁၁ ရက် နံနက်ပိုင်းကလည်း မုံရွာဘက်မှတက်လာသော စစ်ကား ကားကြီးသုံးစီး၊ အရပ်သုံးကားသေး နှစ်စီးနှင့် ဆိုင်ကယ်အစီးရေ ၃၀ခန့်တို့ပါဝင်သော အကြမ်းဖက်စစ်ကောင်စီ ယာဥ်တန်းကို ယင်းမာပင်မြို့နယ်၊ ဖိုးဝင်းတောင်အနီးတွင် ယင်းမာပင် PDF အဖွဲ့ နှင့် LDF အဖွဲ့ တို့ ပူးပေါင်း မိုင်းဆွဲတိုက်ခဲ့ရာ စစ်သား ၃၀ခန့် သေဆုံးခဲ့ကြောင်း ဒေသခံPDF များကထုတ်ပြန်ထားသည်။
