ဇေအောင်/People’s Spring
စစ်ကိုင်းတိုင်း၊ ဝက်လက်မြို့နယ်အခြေစိုက် ဒေါင်းနီပြည်သူ့ကာကွယ်ရေးတပ်ဖွဲ့က ရှမ်းမန်း စစ်ဆင်ရေးအတွင်း ကျဆုံးခဲ့ရသည့် ရဲဘော်များ၏ ကျန်ရစ်သူ မိဘများကို လိုက်လံကန်တော့ခဲ့ကြောင်း သတင်းရရှိသည်။
အောက်တိုဘာ ၁၈ ရက်နှင့် ၂၂ ရက်က သီတင်းကျွတ်ကာလအထိမ်းအမှတ်အဖြစ် ရှမ်းမန်းစစ်ဆင်ရေးအတွင်း ကျဆုံးခဲ့ရသော DOUNG NI People Defence Force-DNPDFတပ်ဖွဲ့မှ ရဲဘော် ၉ဦး၏ မိဘများအား တပ်ဖွဲ့ဝင်ရဲဘော်များက ကျပ်တစ်သိန်းစီဖြင့် လိုက်လံကန်တော့ခဲ့ကြောင်း တပ်ဖွဲ့တာဝန်ရှိသူက ပြောသည်။
Public Service Announcement
ကျဆုံးရဲဘော်များ၏ မိဘများအား လိုက်လံကန်တော့နေစဥ်။ ဓာတ်ပုံ – DNPDF ကျဆုံးရဲဘော်များ၏ မိဘများအား လိုက်လံကန်တော့နေစဥ်။ ဓာတ်ပုံ – DNPDF ကျဆုံးရဲဘော်များ၏ မိဘများအား လိုက်လံကန်တော့နေစဥ်။ ဓာတ်ပုံ – DNPDF ကျဆုံးရဲဘော်များ၏ မိဘများအား လိုက်လံကန်တော့နေစဥ်။ ဓာတ်ပုံ – DNPDF ကျဆုံးရဲဘော်များ၏ မိဘများအား လိုက်လံကန်တော့နေစဥ်။ ဓာတ်ပုံ – DNPDF
“ကျဆုံးရဲဘော်တွေကတော့ ၁ဝ၂၇ရှမ်းမန်းစစ်ဆင်ရေးမှာ ၉ ဦးထိကျဆုံးခဲ့ရပါတယ်။ အသက် ၁၆နှစ်ကနေ ၃၁နှစ်ကြား အရွယ်တွေပါ။”ဟု ၎င်းက ပြောသည်။
ကျဆုံးရဲဘော်များမှာ ဒုစစ်ရေးတာဝန်ခံ တစ်ဦး၊တပ်ခွဲမှူး နှစ်ဦး၊ တပ်စိတ်မှူးတစ်ဦး၊ ရဲဘော် ငါးဦးဖြစ်ကြောင်း သိရသည်။
ရှမ်းမန်းစစ်ဆင်ရေးတွင် မန္တလေး PDFနှင့်အတူ ကျောက်ဆည် ခရိုင်တပ်ရင်း၊ မြင်းခြံခရိုင်တပ်ရင်း၊ ညောင်ဦးခရိုင်တပ်ရင်း၊ ရွှေဘို ခရိုင်တပ်ရင်းများ၊ ဝက်လက်ဒေါင်းနီပြည်သူ့ကာကွယ်ရေးတပ်၊ စဥ့်ကိုင် တော်လှန်ရေးတပ်၊ တလုပ် PDF၊ တမူး NLA ၊ SSTF ရဲတပ်ဖွဲ့ တို့ ပူးပေါင်းတိုက်ပွဲဝင်ခဲ့ကြောင်း ပြည်သူ့ကာကွယ်ရေးတပ်မတော်-မန္တလေးက ထုတ်ပြန်ထားသည်။
