ဖမ်းဆီးထိန်းသိမ်းထားသည့် သတင်းထောက်နှစ်ဦးကို KIA ပြန်လွှတ်ပေး

‌လူအေး/People’s Spring

ကချင်လွတ်လပ်ရေးတပ်မတော် (KIA)ဖမ်းဆီးထားသည့် ဖားကန့်အခြေစိုက် သတင်းထောက်ကိုတာလင်းမောင်နှင့် ကိုနောင်ရိုးတို့နှစ်ဦးစလုံးကို KIA က ပြန်လွှတ်ပေးလိုက်သည်။

KIA ကပြန်လွှတ်​ပေးလိုက်​ကြောင်းကိုနောင်ရိုးက ၎င်း၏ လူမှုကွန်ရက်စာမျက်နှာမှတဆင့် ယနေ့(အောက်တိုဘာလ ၂၇ရက်)နေ့လယ်ပိုင်းတွင် ​ရေးသားအသိပေးသည်။

Public Service Announcement

” ကျွန်တော်နဲ့ ကိုတာလင်းမောင် နေကောင်း၊ကျန်းမာစွာနဲ့ ပြန်လည် လွတ်မြောက်ခဲ့ပါပြီ၊း။ကူညီစောင့်ရှောက်ပေးခဲ့သူအားလုံးကို ကျေးဇူးတင်ပါတယ်ခင်ဗျ” ဟု ရေးသားထားသည်။

ဖားကန့်အခြေစိုက်သတင်းထောက် ကိုတာလင်းမောင်နှင့် ကိုနောင်ရိုးတို့ကို ဖားကန့်၌ တိုက်ပွဲများပြင်းထန်နေစဉ်စက်တင်ဘာ၂၉ ရက် နှင့် စက်တင်ဘာ ၃၀ ရက်နေ့တွင် KIAတပ်မဟာ (၉)တပ်ရင်း(၆)က ဖမ်းဆီးခဲ့ခြင်းဖြစ်သည်။ ၎င်းတို့နှစ်ဦး လုံခြုံစွာရှိနေသည်ဟု KIA ပြန်ကြားရေးအရာရှိ ဗိုလ်မှူးကြီးနော်ဘူက ကချင်ပြည်နယ်အခြေစိုက်သတင်းဌာနအချို့မှတဆင့် အောက်တ်ိုဘာလဆန်းတွင် အသိပေးခဲ့သည်။

​နွေဦး​တော်လှန်​ရေးကာလတွင် ​တိုင်းရင်းသညးလက်နက်ကိုင်အဖွဲ့က သတင်း​ထောက် ၂ ဦးကိုဖမ်းဆီး​​သောဖြစ်စဥ်မှာ ပထမဆုံးအကြိမ်ဖြစ်သည်။

နိုင်ငံတကာ သတင်း​​ထောက်များအဖွဲ့ချုပ်(IFJ )၊ သတင်း​ထောက်များကာကွယ်​ရေး ​ကော်မတီ(CPJ) အပါအဝင် နိုင်ငံတကာမှမီဒီယာအဖွဲ့အစည်းအချို့နှင့် ပြည်တွင်းမှ မီဒီယာအဖွဲ့အစည်းအချို့ကလည်း သတင်း​ထောက် ၂ ဦးကို ပြန်လွှတ်​ပေးရန်တိုက်တွန်း​တောင်းဆိုခဲ့သည်။

တစ်လခန့်ကြာ ထိန်းသိမ်းခံရပြီးနောက်ယ​​နေ့ ပြန်လည်လွတ်မြောက်လာခြင်းဖြစ်သည်။