ဟန်နွေ/People’s Spring
ကချင်ပြည်နယ် ဗန်းမော် – မိုးမောက်မြို့နယ်ကြား (၇)မိုင် အောင်မြေကျေးရွာတွင် ကချင်လွတ်လပ်ရေးတပ်မတော်(KIA)နှင့် စစ်ကောင်စီတပ်အကြား ယနေ့ (နိုဝင်ဘာ ၁၈ရက်)တွင် တိုက်ပွဲပြင်းထန်နေကြောင်း စစ်ရေးသတင်းရင်းမြစ်တစ်ဦးက ပြောသည်။
ဗန်းမော်မြို့မှ စစ်ကောင်စီတပ်များက တင့်ကားများအသုံးပြုပြီး မိုးမောက်မြို့နယ်ဘက် ထိုးစစ်ဆင်နေ၍ တိုက်ပွဲများဖြစ်ပွားနေခြင်းဖြစ်ပြီး ယနေ့တွင် နှစ်ဖက် လက်နက်ကြီးအပြန်အလှန် ပစ်ခတ်နေသည်ဟု သတင်းရင်းမြစ်က ပြောသည်။
“စကစက မိုးမောက်ကို ပြန်လိုချင်တာကတကြောင်း ဗန်းမော်မြို့မကျရှူံးစေရေးအတွက် KIA တပ်ဖွဲ့များရှိနေတဲ့ (၇) မိုင်အောင်မြေကျေးရွာကို ထိုးစစ်ဆင်နေတယ်လို့မြင်ပါတယ်”ဟု သတင်းရင်းမြစ်က ပြောသည်။
Public Service Announcement
ယမန်နေ့ နိုဝင်ဘာ ၁၇ရက်ကလည်း တစ်နေကုန် နီးပါး တိုက်ပွဲအလွန်ပြင်းထန်ခဲ့သည်ဟု အခြား သတင်းရင်းမြစ်တစ်ဦးက အောင်မြေကျေးရွာ တိုက်ပွဲ အခြေအနေကို ပြောပြသည်။
စစ်ကောင်စီဘက်က မြေပြင်၊ဝေဟင် ထိုးစစ်အရှိန်မြှင့်လုပ်ဆောင်နေသော်လည်း မိုးမောက်မြို့နှင့် ခမရ(၄၃၇)တပ်ရင်းကို KIAက ထိန်းချုပ်ထားဆဲဖြစ်သည်ဟု ပြောသည်။
KIAသည် ဗန်းမော်မြို့ လုံခြုံရေးအတွက် အရေးပါသည့် ခမရ(၄၃၇)တပ်ရင်းကို ယခုနှစ် ဩဂုတ်တွင် သိမ်းပိုက်နိုင်ခဲ့ခြင်းဖြစ်သည်။
