Connect with us

Hi, what are you looking for?

သတင်း

လေးမျက်နှာမြို့နယ်တွင်စစ်သားများ​ရောက်လာပြီးမှ ဓားပြတိုက်မှု​ဖြစ်ပွား

ဓားပြတိုက်ခံရသည့် အိမ်သည် ​ငွေသားနှင့် ရွှေထည် စုစု​ပေါင်းတန်ဖိုးကျပ်သိန်း ၂၀၀ ခန့် ပါသွားကြောင်း သိရှိရသည်။ အိမ်ရှင်အား မေးမြန်းရန် ဆက်သွယ်သော်လည်း မရသေးပေ။

(​လေးမျက်နှာ အနီးဝန်းကျင်ကို Google Map တွင်​တွေ့ရမှု)
(​လေးမျက်နှာ အနီးဝန်းကျင်ကို Google Map တွင်​တွေ့ရမှု)

■စစ်သားများက အရပ်သားပုံစံပြုလုပ်၍ ဓါးပြတိုက်သွားခြင်းဟု ​ဒေသခံများ​ပြောကြား

အိမ်သွင်/People’s Spring

ဂွတိုက်ပွဲအရှိန်ကြောင့် မငြိမ်မသက်ဖြစ်လာသော ဧရာဝတီတိုင်းအတွင်းရှိ လေးမျက်နှာမြို့နယ်၊ ရခိုင်ရိုးတောင်‌ခြေ ရွာတစ်ရွာတွင် စစ်‌ကောင်စီတပ်ဖွဲ့ဝင် အများအပြား​ရောက်လာပြီး​နောက် ဓားပြတိုက်မှုဖြစ်ပွားခဲ့ကြောင်း ​ဒေသခံများကပြောသည်။

“ဂွမှာတိုက်ပွဲပြင်းထန်နေချိန်ကတည်းက ရိုးမအစပ်တွေမှာ မိုင်းလိုက်ထောင်တယ်။ စစ်သားတွေ အများကြီးရောက်လာတယ်။ လူစိမ်းတွေအများကြီးတွေ့ရတယ်။ ပျူစောထီးတွေရော။ အခု မှန်တန်းကျေးရွာမှာ ဓားပြဝင်တိုက်သွားပြီ။ ကျတော်တို့မြို့မှာ ဒါမျိုးမရှိခဲ့ဖူးဘူး”ဟု လေးမျက်နှာမြို့ခံတစ်ဦးကပြောသည်။

မှန်တန်းကျေးရွာသည်ရခိုင်ရိုးတောင်‌ခြေတွင်တည်ရှိသည်။ထိုရွာမှ ဦးသန်းထိုက်၏ အိမ်ကို ဒီဇင်ဘာလ၂၀ရက်ညတွင် သေနတ်ကိုင်ထားသည့် လူ ၆ဦးထက်မနည်းက ဓားပြတိုက်ပြီး ငွေသားနှင့်ရွှေထည်ပစ္စည်းများယူဆောင်သွားသည်ဟု ​ဒေသခံများကပြောသည်။

Public Service Announcement

Public Service Announcement

“ဓားပြတိုက်ခံရတဲ့ အိမ်က‌တော့ ဘာမှမပြောရဲဘူး။ စစ်တပ်က ခဏ‌တော့ လာမေးတယ်။ ပြီးတော့ ပြန်ပြေးတာပါပဲ။ စစ်တပ်ကကောင်တွေ ရုပ်ရှင်ရိုက်တာပါ။ တရားခံက သူတို့ကိုယ်တိုင်ပါ”ဟု ဒေသခံတစ်ဦးပြောသည်။

ဓားပြတိုက်ခံရသည့် အိမ်သည် ​ငွေသားနှင့် ရွှေထည် စုစု​ပေါင်းတန်ဖိုးကျပ်သိန်း ၂၀၀ ခန့် ပါသွားကြောင်း သိရှိရသည်။ အိမ်ရှင်အား မေးမြန်းရန် ဆက်သွယ်သော်လည်း မရသေးပေ။

လေးမျက်နှာမြို့နယ်သည် AAက မြို့သိမ်းတိုက်ပွဲတိုက်ခိုက်နေသည့် ဂွမြို့နှင့် ရခိုင်ရိုးမခြားလျက် တည်ရှိသည်။ လေးမျက်နှာတွင်လည်း တိုက်ပွဲများ ဖြစ်နိုင်ကြောင်း သတိပေးမှုများ ရှိနေသည်။လေးမျက်နှာ မြို့နယ်ရှောပြာရွာတွင်ဒီဇင်ဘာလ ၁၉ရက်နေ့ကစစ်ကောင်စီက လက်နက်ကြီးဖြင့်ပစ်ခတ်မှုကြောင့် ဂွမြို့မှထွက်ပြေးလာသည့် စစ်ရှောင်ကားတစ်စီးထိမှန်ပြီး အရပ်သားရှစ်ဦးသေဆုံးမှု ဖြစ်ခဲ့သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်တပ်ထိန်းချုပ်ထားတဲ့ လားရှိုးမြို့ပေါ်မှာ ရွှေဆိုင်ပိုင်ရှင် သိန်းထောင်ချီလုယက်ခံရပြီး ၂ရက်အကြာမှာပဲ ဆောက်လုပ်ရေးပစ္စည်းအရောင်းဆိုင်တစ်ဆိုင် ဓားပြတိုက်ခံမှု ထပ်မံဖြစ်ပွားခဲ့ပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook