Connect with us

Hi, what are you looking for?

သတင်း

ဇီးကုန်းမြို့နဲ့ ကျေးရွာတွေကို စစ်ကောင်စီတပ်ဖွဲ့​တွေက ပိတ်ဆို့ပြီး စစ်မှုထမ်းဖို့ဖမ်းခေါ်

အမျိုးသားနဲ့ အမျိုးသမီး ၁၀၀ကျော် ဖမ်းဆီးခံထားရတယ်လို့ ဇီးကုန်းမြို့တိုက်နယ်ပကဖ တာဝန်ခံ ပြော

မေ/People’s Spring

စစ်ကိုင်းတိုင်း၊ ကန့်ဘလူမြို့နယ်က ဇီးကုန်းမြို့နဲ့ အနီးကျေးရွာတွေကို စစ်ကောင်စီတပ်ဖွဲ့​တွေက ပိတ်ဆို့ပြီး စစ်မှုထမ်းဖို့ဖမ်းဆီးခဲ့တာမို့ ဒေသခံအမျိုးသားနဲ့ အမျိုးသမီး ၁၀၀ကျော် ဖမ်းဆီးခံထားရတယ်လို့ ဇီးကုန်းမြို့တိုက်နယ်ပကဖတာဝန်ခံက ပြောပါတယ်။

ဇန်နဝါရီ၂၉ရက် မနေ့ကမနက်အစောပိုင်းမှာ ကန့်ဘလူမြို့က အမှတ်(၆၀၀၆)တင့်ကားတပ်ရင်းကအင်အား ၁၀၀၊မြို့ခံရဲတွေနဲ့ ပျူစောထီးအင်အားအများအပြားဟာ ဇီးကုန်းမြို့ကို မြို့အဝင်၊ အထွက်ပိတ်ပြီးတော့ တစ်အိမ်ဝင်တစ်အိမ်ထွက် စစ်မှုထမ်းဖို့ဖမ်းဆီးပေါ်တာဆွဲတာလို့ သိရပါတယ်။

ဒီကနေ့မှာလည်းကားနဲ့ မြို့ထဲကိုပတ်ကာ ရပ်ကွက်အလိုက် အဝင်၊အထွက်စစ်ဆေးသလို ဖမ်းဆီးတာတွေလည်း ရှိခဲ့တယ်လို့ ဇီးကုန်းတိုက်နယ်ပကဖတာဝန်ရှိသူက ပြောပါတယ်။

Public Service Announcement

Public Service Announcement

“ရိုက်နှက်ခံရသူတွေလည်းရှိတယ်လို့ ပြောတယ်။ကိုယ့်မိသားစုတွေပါလို့ လိုက်ထုတ်တဲ့သူတွေကို ရိုက်နှက်တယ်တဲ့ “လို့ တိုက်နယ်ပကဖတာဝန်ရှိသူက ပြောပါတယ်။

ဒါ့အပြင် ဇီးကုန်းမြို့ဘေးက နဂါးပေါ်ရွာနဲ့ပုပ္ပါးရွာကိုလည်း မနေ့က ပေါ်တာဆွဲဖမ်းဆီးခဲ့သေးတယ်လို့သိရပါတယ်။

ဖမ်းဆီးခံရသူတွေထဲမှာ အမျိုးသမီးတွေလည်းပါဝင်ပြီး အမျိုးသားဦးရေက ပိုများတယ်လို့ သိရပါတယ်။

လက်ရှိမှာ ဖမ်းဆီးခံရသူတွေကို ဇီးကုန်းမြို့ရဲ့အရှေ့ဘက်က အမှတ်(၁)သကြားစက်(ကစရ)တပ်ထဲမှာ ထားရှိတယ်လို့သိရပါတယ်။

ဒီနေ့မှာစစ်တပ်က အင်အား၅၀ခန့်ပါတဲ့ ကား၃စီးဟာ ၆၀၀၆တင့်ကားတပ်ရင်းထဲကို ပြန်ဝင်သွားပြီး နောက်ထပ်စစ်သား ၅၀၊ပျူနဲ့ရဲတွေဟာ ဇီးကုန်း အထက စာသင်ကျောင်းထဲမှာပဲရှိနေသေးတယ်လို့ သိရပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။