မွန်ပြည်နယ် ချောင်းဆုံ နှင့် ရေးမြို့နယ်များရှိ
အမျိုးသားဒီမိုကရေစီအဖွဲ့ချုပ်(NLD)ပါတီရုံးများကိုယမန်နေ့( နိုဝင်ဘာ ၁၂ ရက်) ညနက်ပိုင်းကဗုံးဖောက်ခွဲ ဖျက်ဆီးခံခဲ့ရကြောင်း ဒေသခံများကပြောသည်။
ပြည်သူများကိုညမထွက်ရအမိန့်ထုတ်ထားချိန်တွင်ဖောက်ခွဲဖျက်ဆီးခံလိုက်ရသည့် NLD ပါတီရုံးနှစ်ခုအနက် ချောင်းဆုံမြို့ရှိအဆောက် အဦးမှာတစ်ခုလုံးနီးပါး ပျက်စီးခဲ့သည့်အပြင် ပတ်ဝန်းကျင် ရှိနေအိမ်အချို့ပါ ထိခိုက်ခဲ့သည်။
(ချောင်းဆုံမြို့နယ်ရှိ NLD ပါတီရုံးမှာ အဆောက်အအုံတစ်ခုလုံးနီးပျက်စီးခဲ့သည်)
“ပါတီရုံးက တစ်ခုလုံးနီးပါးပျက်သွားတာ။ဘေးက အိမ်တွေရဲ့ တံခါးနဲ့ အမိုးတချို့ပါ ပွင့်ထွက် သွားတယ်”ဟု ဒေသခံတစ်ဦးက ပြောသည်။
အလားတူယနေ့(နိုဝင်ဘာ ၁၃ ရက်) နံနက်အစောပိုင်းကလည်းရေးမြို့၊တူးမြောင်းကျေးရွာမြို့နယ် NLD ရုံးဖောက်ခွဲခံရပြီးအဆောက်အဦ၏ အပြင်ဘက် အကာအရံများနှင့် အတွင်းပိုင်းအချို့ ပျက်စီးခဲ့သည်။
Public Service Announcement
အောက်တိုဘာ နောက်ဆုံးပတ်ကစ၍ မန္တလေး၊တနင်္သာရီတိုင်း၊ မွန် ပြည်နယ် စသောဒေသတို့တွင်ပြည်သူများ အပြင်မထွက်ရချိန် ၌ NLD ပါတီရုံးများ ဆက်တိုက်မိုင်းခွဲဖျက်ဆီးခံနေရသည်။၂၀၂၀ ရွေးကောက်ပွဲတွင်အပြတ်အသတ်အနိုင်ရရှိခဲ့သော NLD ပါတီကို ဖျက်ဆီးရန် မျိုးစုံကြိုးစားနေပြီး ပြည်သူများညမထွက်ရချိန်တွင် ဖောက်ခွဲမှုများမှာ အာဏာလုစစ်ကောင်စီ၏ လက်ချက်သာဖြစ်ကြောင်း ပြည်သူအများစုက ယုံကြည်နေကြသည်။
