ကလေး PDFစခန်းတစ်ခုကိုစစ်ကောင်စီတပ်စီးနင်းဆေးတပ်ဖွဲ့မှအမျိုးသမီး ၈ဦးဖမ်းဆီးခံရ၊နေရာစုံထကြွပေးရန်တောင်းဆို

ကလေးမြို့တွင် ပြည်သူ့ကာကွယ်ရေးတပ်ဖွဲ့နှင့် စစ်ကောင်စီ တိုက်ပွဲအပြင်းအထန် ​ဖြစ်နေပြီး အင်အားမမျှဘဲ ရင်ဆိုင်နေရသဖြင့်တိုက်ပွဲဖိအား လျော့ကျစေရေး နေရာစုံမှ ထကြွပေးရန် Kalay PDFက တောင်းဆိုသည်။

ကလေးမြို့နယ်ပြည်သူ့ကာကွယ်ရေးတပ်ဖွဲ့ တပ်ရင်း-၃၏ စခန်း တစ် ခုအား အကြမ်းဖက် စစ်ကောင်စီက ဝင်ရောက်စီးနင်းသဖြင့် တိုက်ပွဲပြင်းထန်နေခြင်းဖြစ်သည်။

” ဆေးတပ်ဖွဲ့မှ အမျိုးသမီးရဲဘော် ၈ ဦး ဖမ်းဆီးခံလိုက်ရတယ်။ စခန်းတစ်ခု အသိမ်းခံရတယ်။ နေရာစုံကနေ ထကြွပေးကြပါ”ဟု Kalay PDF တပ်ဖွဲ့ဝင်တစ်ဦးကပြောသည်။

“တစ်ခြားမြို့နယ် အဘက်ဘက်ကနေ ကြွပေးကြပါဦး။ ကလေး အဖိခံနေရလို့ပါ စခန်းတစ်ခုသိမ်းခံလိုက်ရပါပြီ။ ရဲဘော်တွေလည်း အဖမ်းခံထားရပါတယ်” လို့ PDF Kalay တပ်ဖွဲ့တစ်ဦးက တောင်းဆိုထားကြောင်း ဒေသတွင်း တော်လှန်ရေးသတင်းများ အဆင်မပြတ်တင်ပေးနေသည့်
ကလေးမြို့သတင်းဌာနချုပ် က ရေးသားထားသည်။

Public Service Announcement

တိုက်ပွဲသည် ယနေ့ (နိုဝင်ဘာ၁၆ရက်) နံနက် ၁၀ နာရီခန့်က စတင်ခဲ့ပြီး စစ်ကောင်စီက ညနေအထိ တစ်ဖက်သတ်ပစ်ခတ်နေသည်ဟု ဒေသခံများကပြောသည်။

စစ်ကောင်စီသည် ကလေးမြိုနယ်အနောက်တောင် ဇီးချောင်းတဝိုက်မှ စစ်ကြောင်းထိုးလာကာ PDF (Kalay) တပ်ဖွဲဝင်များနှင့် ထိတွေ့ပြီး တိုက်ပွဲပြင်းထန်လျက်ရှိကြောင်း ကလေးမြို့နယ် ပြည်သူ့ကာကွယ်ရေးတပ်ဖွဲ့က သတင်းထုတ်ပြန်ထားသည်။

“မြစ်သာ​မြစ် အရှေဘက်ကမ်းမှာ အဖမ်းအဆီးပြပြီး ချင်းတောင်ခြေစခန်းကို ဝင်စီးတာ”ဟုဒေသခံတစ်ဦးကပြောသည်။