ကရင်အမျိုးသားအစည်းအရုံး(KNU) တပ်မဟာ (၅)နယ်မြေ ဖာပွန်(မူတြော်)ခရိုင်တွင် ဒီဇင်ဘာလဝက် အတွင်း တိုက်ပွဲများ၌ စစ်ကောင်စီတပ်မှ ၅၄ဦး သေဆုံးပြီး ၃၉ဦး ဒဏ်ရာရရှိခဲ့ကြောင်း တပ်မဟ(၅)က ထုတ်ပြန်သည်။
ဒီဇင်ဘာ ၁ရက်မှ ၁၅ရက်အတွင်း KNU တပ်မဟာ(၅) လက်အောက်ခံ တပ်ရင်း တပ်ခွဲများနှင့် အကြမ်းဖစ်စစ်ကောင်စီတပ်၊ စစ်ကောင်စီလက်အောက်ခံ နယ်ခြားစောင့်တပ်(BGF) တို့ အကြား ရင်ဆိုင်တိုက်ပွဲ ၁၁၁ကြိမ်ဖြစ်ခဲ့သည်ဟု ဖော်ပြထားသည်။
အဆိုပါ တိုက်ပွဲများ၌ KNU တပ်ဖွဲ့ဝင် တစ်ဦး ကျဆုံးပြီး ခြောက်ဦး ဒဏ်ရာရရှိခဲ့ကြောင်းလည်း တပ်မဟာ (၅)က ထုတ်ပြန်သည်။
ဖာပွန် – ကမမောင်း လမ်း ၂၁ မိုင်နှင့် ခွေးသေ အကြား အခြေစိုက်သည့် စစ်ကောင်စီ နှင့် BGF တပ်ဖွဲ့ဝင်မျးက လက်နက်ကြီးများ ပစ်ခတ်ခဲ့၍ ဒေသခံများ လုပ်ကိုင်စားသောက်ရနေရာများသို့ ကျရောက်ခဲ့ပြီး လူထုများ နေ့စဉ်နှင့်အမျှ စိုးရိမ်ပူပန်နေကြရသည်ဟုလည်း ဖော်ပြသည်။
Public Service Announcement
KNU တပ်မဟာ ၇ခုရှိသည့်အနက် ယခုလအတွင်း တပ်မဟ(၁)၊ တပ်မဟာ(၅)၊ တပ်မဟာ(၆)နယ်မြေများ၌ တိုက်ပွဲများဖြစ်ပွားခဲ့ပြီး တပ်မဟာ(၅)နယ်မြေသည် တိုက်ပွဲဖြစ်ပွားမှု အများဆုံးဒေသဖြစ်သည်။
