ဇူလိုင်-၁၉၊၂၀၂၆။သုည/People’s Spring
ကချင်ပြညနယ်၊ဖားကန့်မြို့နယ်မှာ၊ဖားကန့်မှော်လှည့်သပိတ် စစ်ကြောင်းမှတော်လှန်ရေးရဲဘော်တွေနဲ့ ပြည်သူတွေက ဒီကနေ့ (ဇူလိုင် ၁၉) အာဇာနည်နေ့မှာ အာဇာနည်သူရဲကောင်းတွေကို အလေးပြုခြင်းနဲ့အတူ မြစ်ဆုံစီမံကိန်းအား လုံးဝလက်မခံကြောင်း ဆန္ဒထုတ်ဖော်ခဲ့ကြပါတယ်။
မိုးတွေရွာသွန်းနေတဲ့ကြားကပဲမှော်လှည့်သပိတ်မှ တော်လှန်ပြည်သူတွေက (၇၉)နှစ်မြောက် အာဇာနည်နေ့အဖြစ် ဗိုလ်ချုပ်အောင်ဆန်းနဲ့ကျဆုံးသွားသော အာဇာနည်ပုဂ္ဂိုလ်တွေကို လွမ်းသူ့ပန်းခွေချ အလေးပြုခြင်း၊ အရေးတော်ပုံအဆင့်ဆင့်နဲ့ နွေဦးတော်လှန်ရေးအတွင်း ကျဆုံးသွားသော အာဇာနည်သူရဲကောင်းတွေကို လွမ်းသူ့ပန်းခွေချ အလေးပြုခြင်းတို့ ပြုလုပ်ခဲ့ပါတယ်။
ဒါ့အပြင်ကျဆုံးသွားတဲ့ အာဇာနည်တွေနဲ့ တော်လှန်ရေးရဲဘော်တွေရဲ့ အသက်သွေးတို့နဲ့ တည်ဆောက်ထားတဲ့ နိုင်ငံကို အရင်းအနှီးပြုပြီး ပြည်သူ့သဘောထားမပါဘဲ ဖိအားပေးဆောင်ရွက်နေတဲ့ မြစ်ဆုံစီမံကိန်းကို ပြတ်သားစွာ ကန့်ကွက်ကြောင်း သပိတ်မှောက်ဆန္ဒပြခဲ့ပါတယ်။
Public Service Announcement
