ကရင်ပြည်နယ် မြ၀တီမြို့နယ် လေးကေ့ကော်ဒေသ၌ ယနေ့ တိုက်ပွဲဆက်လက်ဖြစ်ပွားပြီး စစ်ကောင်စီတပ်မှ ခုနစ်ဦး အရှင်ဖမ်းမိခဲ့ကြောင်း ကရင်အမျိုးသားအစည်းအရုံး(KNU) သတင်းရင်းမြစ်က အတည်ပြုသည်။
ကရင်သတင်းဌာန KICက လေးကေ့ကော် တိုက်ပွဲ၌ တပ်ခွဲမှူးအပါအဝင် စစ်ကောင်စီတပ်ဖွဲ့ဝင် ခုနစ်ဦးအား လက်နက်ခဲယမ်းမျးနှင့်အတူ ဖမ်းမိခဲ့ကြောင်း ဖော်ပြခဲ့ရာ ယင်းအပေါ် အတည်ပြုဖြေကြားသည်။
“ ခုနစ်ယောက် ဖမ်းမိတာတော့သေချာတယ်။ တပ်ခွဲမှူး ပါနိုင်တယ်”ဟု KNU အဖွဲ့ဝင်တစ်ဦးက ပြောသည်။ တိုက်ပွဲ၌ စစ်ကောင်စီတပ်မှ သေဆုံးထိခိုက်မှုများလည်းရှိကြောင်း ၎င်းက ဆိုသည်။ သို့သော် အသေးစိတ်အခြေအနေကို လတ်တလေ ဖြေကြားနိုင်ခြင်းမရှိသေးဟု ပြောသည်။
KICက သတင်းဖော်ပြရတွင် ဖမ်းမိထားသည့် စစ်ကောင်စီတပ်ဖွဲ့ဝင်များ၏ ဓာတ်ပုံများနှင့်အတူ ဖော်ပြခဲ့ပြီး အိမ်စီးကား အသုံးပြုပြီး နေရာရွှေ့ပြောင်းလာစဉ် ရသေ့ဂူရွာ ဝန်းကျင်၌ ဖမ်းဆီးရမိခြင်း ဖြစ်ကြောင်း ကရင်အမျိုးသားလွတ်မြောက်ရေးတပ်မတော်(KNLA) သတင်းရင်းမြစ်ကို ကိုးကားဖော်ပြသည်။
Public Service Announcement
လေးကေ့ကော် တိုက်ပွဲ စတင်ဖြစ်ပွားခဲ့သည့် ဒီဇင်ဘာလလယ်ကလည်း စစ်ကောင်စီတပ်မှ ခြောက်ဦး၊ စစ်ကောင်စီလက်အောက်ခံ နယ်ခြားစောင့်တပ်ဖွဲ့မှ ဦးကို လက်နက်ခဲယမ်းများနှင့်အတူ အရှင်ဖမ်းမိခဲ့ရ ၎င်းတို့ကို ကောင်းမွန်စွာ လက်ခံထားသည်ဟု KNU က ဆိုသည်။
