'/%3E%3C/svg%3E){kind=small}
ဝန်းသိုပြည်သူ့ကာကွယ်ရေးတပ်ဖွဲ့(WPDF) သည် ပြည်ထောင်စု ဖက်ဒရယ်တပ်မတော် မပေါ်ထွက်လာမီ ကာလအတွင်း ပြည်သူတို့ကို ကာကွယ်ရန် အကြမ်းဖက်စစ်ကောင်စီနှင့် ၎င်းတို့၏ နောက်လိုက် ငယ်သားများကို မြို့တွင်းနှင့် မြို့ပြင်ပ လမ်းများတွင် တိုက်ခိုက်ရလိမ့်မည်ဖြစ်ကြောင်း WPDFက ယနေ့ ဇူလိုင် ၁၄ရက်တွင်ထုတ်ပြန်သည်။
ထို့ကြောင့် စစ်ကိုင်းတိုင်းဒေသကြီး အထက်ပိုင်း ဒေသ လမ်းပိုင်းများအား အသုံးပြုနေသော ပြည်သူများ အား လုံး နေ့ပိုင်းကားမှန်ဖွင့်မောင်းနှင်ရန်နှင့် ညပိုင်းကားအတွင်းမီးထွန်း မောင်းနှင်ပေးကြရန် အသိပေးကြောင်း ထုတ်ပြန်ချက်၌ ပါရှိသည်။
ထိုသို့ မလုပ်ဆောင်ပါက အကြမ်းဖက်စစ်ကောင်စီနှင့် ၎င်းတို့၏ နောက်လိုက် ငယ်သားများဟု မှားယွင်း သွားမိပြီး ပြည်သူတို့၏ အသက်အန္တရာယ်ကို ထိခိုက်စေနိုင်ကြောင်း၊ ထို့ကြောင့် မြို့နေပြည်သူများ၊ ရွာနေ ပြည်သူများ ကားဖြင့် သွားလာရာတွင် သတိကြီးစွာ ထားရှိပြီး နေ့ပိုင်း ကားမှန်ဖွင့်မောင်းနှင်ခြင်း နှင့် ညပိုင်း ကားအတွင်း မီးထွန်း၍ မောင်းနှင်ပေးခြင်းဖြင့် ပူးပေါင်းပါဝင်ပေးကြရန် တိုက်တွန်းကြောင်း WPDFက ထုတ်ပြန် သည်။
