ပြည်သူများက သတင်းပေးသဖြင့် တရားမဝင်ခိုးထုတ်နေကြသော သစ်ခိုးထုတ်မှုအား စစ်ဆေးတွေ့ရှိကြောင်း ပြည်သူ့ကာကွယ်ရေးတပ်ဖွဲ့လောင်းရှည်ဒေသ (LSRPDF)က ထုတ်ပြန်သည်။
ယနေ့(မတ်လ ၁ရက်) နံနက် ၉ နာရီခန့်တွင် မကွေးတိုင်းဆိပ်ဖြူမြို့နယ်နှင့် ဆောမြို့နယ်ခြားဒေသ၊ မိုင်တိုင်အမှတ် ၄၀/၃ တွင် တရားမဝင်ခိုးထုတ်နေကြသော သစ်ခိုးထုတ်မှုအား LSRPDF မှ ရှောင်တခင် ဝင်ရောက်ဖမ်းဆီးမှုပြုလုပ်ခဲ့ရာမှ ဖမ်းဆီးနိုင်ခဲ့ခြင်း ဖြစ်ကြောင်း သိရသည်။
သတင်းပေးတိုင်ကြားမှုအရ စစ်ဆေးဖမ်းဆီးမှုပြုလုပ်စဉ် တရားမဝင်ခိုးထုတ်လာကြသော သစ်တန်ချိန် (၃)တန် ဝန်းကျင်နှင့်အတူ Chain Saw (၆) လက်နှင့် လက်လုပ်လေသေနတ် နှစ်လက်တို့ကို ဖမ်းဆီးနိုင်ခဲ့သည်။
ထိုကဲ့သို့ နိုင်ငံတော်ပိုင်ပစ္စည်းများကို ပြည်သူ မှပြည်သူ့အကျိုးအတွက်အသုံးမပြုပဲ အကြမ်းဖက် စစ်ကောင်စီ ၏ လက်အောက်ခံတို့ဖြင့် ဝေစားမျှစားပြုလုပ်နေကြသော တရားမဝင်လုပ်ငန်းများကို တားဆီးတိုက်ဖျက်သွားမည် LSRPDFက ကတိပြုသည်။
Public Service Announcement
မကွေးနှင့် စစ်ကိုင်းတိုင်းတို့၌ တရားမဝင်သစ်များကို အကြမ်းဖက်စစ်ကောင်စီတပ်နှင့် ပူးပေါင်း၍ ခိုးထုတ်နေမှုများကို ဒေသခံပြည်သူ့ကာကွယ်ရေးတပ်များက လစဥ် ဖမ်းဆီးရမိမှုများရှိနေသည်။
