ရွာငံမြို့နယ် ပဲရင်းတောင်ကျေးရွာမှ အရပ်သား၆ဦးကို အကြမ်းဖက်စစ်ကောင်စီတပ်က PDF ဟုစွပ်စွဲပြီးဖမ်းဆီးသွားသတ်ဖြတ်လိုက်ကြောင်း ရွာငံPDFကယနေ့ သတင်းထုတ်ပြန်သည်။
ရွာငံဒေသကို ထိုးစစ်ဆင်နေသည် စစ်ကောင်စီရန်ကို ကြောက်လန့်၍ ရွာအနီးဝန်းကျင်တွင် ပုန်းအောင်းနေသည့် ဒေသခံပြည်သူများကို သတ်ဖြတ်သွားခြင်းဟု ရွာငံပြည်သူ့ကာကွယ်ရေးတပ်ဖွဲ့(Ywangan People’s Defense Force)က ယနေ့( ဧပြီ ၂၂)ရက် နေ့လယ်တွင် သတင်းထုတ်ပြန်ထားသည်။
ပဲရင်းတောင်ရွာအနောက်ဘက် နှစ်မိုင်ခန့်အကွာတွင် ခိုအောင်းနေသော အပြစ်မဲ့ပြည်သူများကို PDFဟု စွပ်စွဲကာ သတ်ဖြတ်သွားသည်ဟု ရွာငံ PDFကသတင်းထုတ်ပြန်ထားသည်။ထိုအပြင် စစ်ကောင်စီတပ်က အသတ်ခံရသောဒေသခံလူငယ်များဘေးတွင် လက်လုပ်သေနတ်၂ လက်ကိုထား၍ ဓါတ်ပုံဆင်ရိုက်ခဲ့သေးကြောင်းလည်းသိ့ရသည်။
အကြမ်းဖက်စစ်ကောင်စီတပ်သည် ရွာငံမြို့နယ် နွားဘန်းကြီးကျေးရွာနှင့် ပဲရင်းတောင်ကျေးရွာဝန်းကျင်တွင် PDFများရှိနေသည်ဟု ဆိုကာ ယနေ့(ဧပြီ ၂၂ )နံနက်ကစ၍ လက်နက်ကြီးဖြင့် ပစ်ခတ်နေပြီး မြေပြင်တွင်လည်း အကြမ်းဖက်တိုက်ခိုက်နေသည်။စစ်ကောင်စီတပ်ရန်ကြောက်၍ ထွက်ပြေးတိမ်းရှောင်နေသည့် ဒေသခံများ၏ နေအိမ်အချို့ကိုလည်း မီးရှို့ဖျက်ဆီးသွားသည်ဟု ရွာငံဒေသခံများကပြောသည်။ယခုအခါ စစ်ကောင်စီ၏ အကြမ်းဖက်မှုကိုကြောက်လန့်၍ ဒေသခံအများအပြား ထွက်ပြေးတိမ်းရှောင်နေကြရသည်။
Public Service Announcement
