မင်းကင်းမြို့နယ်တိုက်ပွဲ စစ်သားနှင့်ပျူ ၁၁ဦး​သေ ပြီး၁၀ ဦး​ကျော်ဒဏ်ရာရ ၊ PDF ၁ဦးကျဆုံး

စစ်ကိုင်းတိုင်း၊ မင်းကင်းမြို့နယ်တွင် အကြမ်းဖက်စစ်ကောင်စီတပ် တိုက်ခိုက်ခံရပြီး စစ်တပ်နှင့် ပျူစောထီးအဖွဲ့ဝင် ၁၁ ဦးသေဆုံးခဲ့ကြောင်း မင်းကင်းမြို့နယ် ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။

ယမန်နေ့ မေလ ၈ ရက် နံနက် ၁၁ နာရီခွဲခန့်က မင်းကင်းမြို့နယ်၊ ကူလဲရွာနှင့် အောက်စသာရွာတို့မှ ပျူအင်အား ၅၀ခန့်သည် တောင်လက်ဒေသ အထက်စသာရွာဘက်သို့ စစ်‌ကြောင်းထိုးကာ ကျေးရွာအနီးတောများကို မီး၀င်ရှို့ခဲ့သည်။

ထိုသို့ဖျက်ဆီးနေစဉ်မင်းကင်းပြည်သူ့ကာကွယ်ရေးတပ်ဖွဲ့၊တပ်ရင်း၂၊ တပ်ခွဲ ၁ ဦးဆောင်ကာ ပကဖရဲဘော် များနှင့် ကြိုတင်နေရာယူစောင့်ဆိုင်းစဥ် ပျူ​စောထီးစစ်ကြောင်းမှ ပျူတစ်ဦး တိုက်မိုင်းထိကာ သေဆုံးခဲ့ကြောင်းMKPDF-2ကပြောသည်။

ထို​နောက်မင်းကင်းမြို့ပေါ်မှ အင်အားလာဖြည့်သဖြင့် ၃နာရီဝန်းကျင်ကြာ လက်နက်ကြီး လက်နက်ငယ်များဖြင့်တိုက်ပွဲ ပြင်းထန်ခဲ့ပြီးအကြမ်းဖက်စစ်တပ်ဘက်မှ ၆ ဦး၊ ပျူ ၄ ဦး ထပ်မံသေဆုံးခဲ့သည်။ထိုအပြင် ၁၁ ဦးခန့်ဒဏ်ရာ အပြင်းအထန်ရရှိကာပြန်ဆုတ်သွားပြီး မင်းကင်းဆေးရုံပို့ဆောင်သွားကြောင်း MKPDF-2 က အသိ​ပေးသည်။

Public Service Announcement

“ဒဏ်ရာအပြင်းအထန်ရတဲ့ စခနဲ့ ပျူ ၃ကောင် တိုက်မိုင်းထိတယ်။ခြေပြတ် လက်ပြတ်ဖြစ်တယ်။”ဟု MKPDF-2က ပြောသည်။

တိုက်ပွဲတွင် ဒေသခံ ပကဖ ရဲဘော်တစ်ဦး ကျည်ထိမှန်ကာ သွေးထွက်လွန်၍ ကျဆုံးသွားခဲ့သည်ဟု ၎င်းတို့ကထုတ်ပြန်သည်။

တိုက်ပွဲအတွင်း လက်နက်ကြီး၊လက်နက်ငယ်ကျည်များစွာအသုံးပြုခဲ့ရပြီး ထပ်မံဖြည့်တင်းနိုင်ရန်အတွက် ကျည်ဖိုးများ တတ်နိုင်သလောက် လှူပေးပါရန် မင်းကင်း PDFကအကူညီတောင်းခံထားသည်။

တိုက်ပွဲအခြေအနေများကြောင့် မင်းကင်းမြို့နယ်၊ မုံရွာ- ပုသိမ်လမ်းမကြီးနှင့် ဆားလင်းကြီး – ညောင်ပင်ကြီးလမ်းပိုင်းများအား ယမန်နေ့မှစ၍ အရေးပေါ်ပိတ်သိမ်းလိုက်ကြောင်း မင်းကင်းPDFက ကြေညာထားသည်။