ယောဒေသကာကွယ်ရေးတပ်ဖွဲ့ (YDF)၏ တော်လှန်ရေးတစ်နှစ်ပြည့် အခမ်းအနားကို ယမန်နေ့(မေလ ၁၉ ရက်)က ပြုလုပ်ခဲ့သည်။
အဆိုပါအခမ်းအနားသို့ CDF မင်းတပ်မှ ကိုယ်စားလှယ် ခုနစ်ဦးတတ်ရောက်ခဲ့ကြောင်းလည်း ယင်းအဖွဲ့မှတာဝန်ရှိသူများက ဆိုသည်။
“YDF ဆိုတာ မကွေးတိုင်းထဲက ယောသားတွေနေတဲ့ ဂန့်ဂေါ၊ကျော၊ထီးလင်း၊ဆောနဲကျောက်ထုဆိုတဲ့ ယောငါးမြို့ကိုစုပေါင်းပီး Yaw Defence Force ဖြစ်လာတာပါ။CDFs တွေနဲ့ မဟာမိတ်ဖြစ်ပြီး စစ်အာဏာသိမ်းမှုကို ကလေး၊မင်းတပ်၊ဒီမော့ဆိုးတို့နဲ့အတူအစဦးဆုံး တူမီးနဲ့ စတော်လှန်ခဲ့ကြတဲ့သူတွေဖြစ်တယ် “ဟု CDF မင်းတပ် တာဝန်ရှိသူတစ်ဦးက ၎င်း၏ လူမှုကွန်ရက်မှတစ်ဆင့် အသိပေးသည်။
ထို့အပြင် လက်နက်အင်အားမှာလည်း ယခင်နှစ် စက်တင်ဘာအထိ မောင်းပြန်တစ်လက်မှ မရှိခဲ့ပဲ ပြည်တွင်း၊ပြည်ပ ယောသူ၊ယောသားများ၏ ကြိုးစားအားထုတ်မှုကြောင့် မောင်းပြန်သေနတ်ထောင်ဂဏန်းနီးပါးအပြင် RPG7 ၊PKM စက်သေနတ်များ၊တိုက်ခိုက်ရေးDrone များနှင့် ကိုယ်ပိုင်လက်နက်ထုတ်လုပ်ရေးများပါ ပိုင်ဆိုင်လာသည်အထိ အားကောင်းလာကြောင်း ၎င်းက ဆိုသည်။
Public Service Announcement
အလားတူ YDF နှင့်CDF မင်းတပ်သည် ညီနောင်မဟာမိတ်များဖြစ်သည်နှင့်အညီ ပူးပေါင်းစစ်ဆင်ရေးများစွာကိုလည်း လက်တွဲ အကောင်ထည်ဖော်ဆောင်ခဲ့ကြောင်း ဖော်ပြသည်။
CDF မင်းတပ်ကလည်း ” YDF ၏ မဟာမိတ်ကောင်း ပီသမှု ၊ သတ္တိရှိမှုများနှင့် စစ်မှန်သော ဖက်ဒရယ်ဒီမိုကရေစီရရှိသည့်တိုင် အတူတကွဆက်လက်ပူးပေါင်း တိုက်ပွဲ၀င်သွားမည်ဖြစ်ကြောင်း ” သ၀ဏ်လွှာကို ပေးပို့ခဲ့သည်။
