ရွာငံတွင် PDF ရဲဘော်သုံးဦးနှင့်အတူ လက်နက်ခဲယမ်းများ ဖမ်းဆီးရမိဟု စစ်ကောင်စီသတင်းအမှားဖြန့်

ရဲဘော်များလုံခြုံစွာရှိပြီး အထူးပြောက်ကျားတိုက်ခိုက်မှုအတွက် အပြင်းအထန်လေ့ကျင်နေဟု အသိပေး

ဓနုကိုယ်ပိုင်အုပ်ချုပ်ခွင့်ရဒေသ ရွာငံမြို့နယ်အတွင်း PDF ရဲဘော်သုံးဦးနှင့်အတူ လက်နက်ခဲယမ်းများဖမ်းဆီးရမိသည်ဟု စစ်ကောင်စီ​၏ ဝါဒဖြန့် Pindaya People’s Voice အမည်ရှိ အွန်လိုင်းပေ့ချ်တစ်ခုက သတင်းအမှားဖြန့်ဝေခဲ့ကြောင်း YPDF က ယနေ့(သြဂုတ် ၁၄) အသိပေးထုတ်ပြန်သည်။

အဆိုပါ စစ်ကောင်စီဝါဒဖြန့်မီဒီယာက သတင်းအမှားဖြန့်ရာတွင် ရွာငံဒေသ တဲ့လုကျေးရွာဘက် သို့ စစ်ကောင်စီတပ်မှ စစ်ကားခုနစ်စီး အင်အား ၂၀၀ ခန့်ဖြင့်စစ်ကြောင်းထိုးနေပြီး YPDF(JPGF) ရဲဘော်သုံးဦးနှင့် လက်နက်ခဲယမ်းများဖမ်းဆီးရမိသည်ဟု ဖော်ပြထားခြင်း ဖြစ်သည်။

“YPDF(or) JPGFအဖွဲ့သားများမှာကျဆုံးခြင်းမရှိဘဲ လုံခြုံစွာရှိနေပါကြောင်း၊ စစ်ခွေးဘက်မှထုတ်ပြန်သော သတင်းများမှာ သတင်းအမှားသာဖြစ်ကြောင်ပြည်သူများအားအသိပေးတင်ပြအပ်ပါသည်”ဟု သတင်းအမှားနှင့်စပ်လျဥ်းပြီး YPDF က ဖော်ပြသည်။

ထို့အပြင် YPDF(JPGF)တပ်သားများအနေဖြင့် လက်ရှိတွင် အထူးကွန်မန်ဒိုပြောက်ကျားသင်တန်းတွင် ပြင်းပြင်းထန်ထန် စစ်ရေးလေ့ကျင့်မှုများပြုလုပ်နေပြီး စုဖွဲ့မှုအသစ်ဖြင့်ပြန်လာနိုင်ရန်ကြိုးပမ်းလျက်ရှိနေကြောင်း အသိပေးသည်။

Public Service Announcement

စစ်ကောင်စီဘက်မှ ပြည်သူများအပေါ်လုပ်ဆောင်ခဲ့သော အကြမ်းဖက်မှုများအား အလှည့်ကြမနွဲ့စတမ်း အကြွေးပြန်ယူ လက်တုန့်ပြန်သွားမည်ဖြစ်ပြီး စစ်ကောင်စီတပ်နှင့် ၎င်းတို့၏အပေါင်းအပါများအားလုံး -ျီးဝအောင်စားထားရန်ကြိုသတိပေးထားသည်။