မန္တလေး၊ ပြည်ကြီးတံခွန်မြို့နယ်ရှိ မန်းနီး ငါးဂိမ်းဆိုင်အား ဗုံးတစ်လုံးဖြင့်ဖောက်ခွဲတိုက်ခိုက်ခဲ့ကြောင်းပြောက်ကျားတပ်ဖွဲ့ Generation Z Power (Mandalay)က ယနေ့(စက်တင် ဘာ ၃)တွင် ထုတ် ပြန်သည်။
သြဂုတ် ၃၁ ရက်က ပြည်ကြီးတံခွန်မြို့နယ် ၆၃ အေလမ်း၊ ၁၃၃ × ၁၃၄ လမ်းရှိ မန်းနီး ငါးဂိမ်းဆိုင်အား ဗုံးတစ်လုံးဖြင့် ဖောက်ခွဲ့တိုက်ခိုက်ခဲ့ကြောင်းဖော်ပြထားသည်။
စစ်ကောင်စီတပ်များရောက်လာချိန်ကို စောင့်ဆိုင်း၍ ပဒေသာမိုင်းနှစ်လုံးဖြင့် ဖောက်ခွဲတိုက်ခိုက်ရန် ပြင်ဆင်ထားသော်လည်း ပြည်သူများရောက်ရှိလာခြင်းကြောင့် ပဒေသာမိုင်းတစ်လုံးသာ ဖောက်ခွဲနိုင်ခဲ့သည်ဟု လည်းအသိပေးထားသည်။
အဆိုပါတိုက်ခိုက်မှုကြောင့် စစ်ကောင်စီတပ်မှ ရှစ်ဦးထိခိုက်ဒဏ်ရာရသွားပြီး တော်လှန်ရေးရဲဘော်များ အ ထိအခိုက်မရှိ အောင်မြင်စွာဆုတ်ခွာနိုင်ခဲ့ကြောင်း ထုတ်ပြန်ထားသည်။
Public Service Announcement
သို့သော် ဒေသခံအချို့၏ အဆိုပါငါးဂိမ်းဆိုင်ပေါက်ကွဲမှုမှာ ယမန်နေ့ည ၈ နာရီဝန်းကျင်တွင်ဖြစ်ပြီး ၊ပေါက်ကွဲမှုပြင်းထန်၍ အနီးရှိပြည်သူများသိ့ရှိလိုက်ကြပြီး ၊နောက်တစ်လုံးပေါက်ကွဲမှုမှာ ယနေ့နံနက်ပိုင်းတွင်းမှ စစ်ကောင်စီတပ်ကမိုင်းရှင်းလင်းသဖြင့်ပေါက်ကွဲသည်ဟုသာသိထားပြီး ပေါက်ကွဲမှုနှစ်ကြိမ်စလုံးတွင် လူထိခိုက်မှုမရှိကြောင်းပြောသည်။
“ညပိုင်း စကစတွေ လာကြည့်တယ် မပေါက်သေးတာကျန်သေးတယ် မနက်မှလာရှင်းမယ်ပြောပြီး ပြန်သွားကြတယ်။
မနက်ပိုင်း ကျတော့သဲအိတ်တွေကာပြီး ၂လုံးထင်တယ် ခွဲလိုက်တယ်အသံက တသံတည်း။မနက်ပေါက်ကွဲမှုက အိမ် ဝင်းနံရံပြိုတယ် အိမ်ခေါင်တခုပေါ်သဲအိတ်ကျလို့ပျက်စီးတယ်၊အနီးနားက ကားမှန် လည်းကွဲတယ်လို့သိရပါတယ်”ဟု ပြည်သူတစ်ဦးကပြောသည်။
အထက်ပါစစ်ဆင်ရေးကို Generation Z Power -GZP ( Mandalay)၊ ပုသိမ်ကြီးမြို့နယ်ပြည်သူ့ကာကွယ်ရေးတပ်ဖွဲ့၊ ( M.R.T.F + B.R.A ) Revolutionary Army၊ Truth Keeping Force (T.K.F)တပ်ဖွဲ့တို့ ပူးပေါင်း၍တိုက်ခိုက်ခဲ့ကြောင်းလည်း ထုတ်ပြန်ထားသည်။
