'/%3E%3C/svg%3E){kind=small}
မြိတ်ခရိုင် ပုလောမြို့နယ်တွင် လမ်း၌ကင်းပုန်းဝပ်နေသော စစ်ကောင်စီတပ်ကို ပစ်ခတ်တိုက်ခဲ့ရာ စစ်ကောင်စီတပ်မှ သုံးဦးသေဆုံးကြောင်း ပုလောမြို့နယ်ပြည်သူ့ကာကွယ်ရေးတပ်မတော်က ယနေ့(စက်တင်ဘာ ၉) ထုတ်ပြန်သည်။
ယမန်နေ့နံနက် ၁၀ နာရီခန့်က ပုလောမြို့နယ်၊ တပိုကျေးရွာအနီး လမ်းတွင်ကင်းယူနေသော စစ်ကောင်စီတပ်များနှင့် ပြည်သူ့ကာကွယ်ရေးတပ်မတော် ၊မြိတ်ခရိုင် ၊ တပ်ရင်း(၁)၊ တိုက်ခိုက်ရေးတပ်ခွဲ (၃)တို့ ရင်ဆိုင်တိုက်ပွဲဖြစ်ပွားကာ ၁၀ မိနစ်ခန့်အပြန်အလှန်ပစ်ခတ်ခဲ့ကြောင်း ဖော်ပြသည်။
“(၁၀) မိနစ်ခန့် အပြန်အလှန်ပစ်ခတ်မှု ဖြစ်ပွားပြီးနောက် စစ်ကောင်စီဘက်မှ ထိခိုက်မှုအချို့ရရှိကာ ပြန်လည်ဆုတ်ခွာသွားခဲ့သည်”ဟု ထုတ်ပြန်ချက်က ဆိုသည်။
နန်းထိုက်အောင် စစ်ဆင်ရေးအဖြစ် ထားဝယ်မြို့မှ ဆင်းလာသော စစ်ကောင်စီယာဉ်တန်းအား မိုင်းဆွဲတိုက်ခိုက်ရန် ကင်းထောက်သွားစဉ် တပိုကျေးရွာအနီး၌ လမ်းကင်းယူထားသော စစ်ကောင်စီတပ်များနှင့် ထိပ်တိုက်တွေ့ဆုံခဲ့ပြီး အပြန်အလှန်ပစ်ခတ်မှုဖြစ်ပွားခြင်းဖြစ်ပြီး စစ်ကောင်စီတပ်မှ သုံးဦးသေဆုံးကြောင်း ဖော်ပြသည်။
Public Service Announcement
