ကော်ဘရာစစ်ကြောင်းလုံခြုံရေးတာဝန်ယူထားတဲ့ နေရာတစ်ခုကို ဒီကနေ့မနက်အစောပိုင်းက စစ်ကောင်စီတပ်က လေကြောင်းတိုက်ခိုက်မှုနှစ်ကြိမ်ပြုလုပ်ခဲ့ပြီး ကော်ဘရာစစ်သည်တော်တစ်ဦး ထိခိုက်ဒဏ်ရာရရှိခဲ့တယ်လို့ သတင်းထုတ်ပြန်ထားပါတယ်။
စက်တင်ဘာ(၁၀)ရက် မနက်(၁၂)နာရီ မိနစ်(၄၀)အချိန်က ကော်ဘရာစစ်ကြောင်းလုံခြုံရေးယူထားတဲ့ ဘလက်တိုကျေးရွာအနီးရှိ နေရာတစ်ခုကို စစ်ကောင်စီတပ်က လေယာဉ်နဲ့ နှစ်ကြိမ်တိုင်တိုင်ဗုံးကြဲတိုက်ခိုက်ခဲ့ပြီး ဒီလိုတိုက်ခိုက်မှုကြောင့် ကော်ဘရာစစ်သည်တော်တစ်ဦး ဒဏ်ရာရရှိခဲ့တယ်လို့ ကော်ဘရာစစ်ကြောင်းရဲ့ ထုတ်ပြန်ချက်မှာဖော်ပြထားပါတယ်။
မနေ့ စက်တင်ဘာ(၉)ရက်နေ့ မနက်ပိုင်းကလည်း မြ၀တီ-ဝေါ်လေ လမ်းအတိုင်းကျူးကျော်လာတဲ့ စစ်ကောင်စီရဲ့ တပ်မ(၄၄)လက်အောက်ခံ ခမရ(၁၀၂)က ဗိုလ်ကြီးအဆင့်ရှိသူတစ်ဦးအပါအဝင် ခြောက်ဦးကို လက်နက်ခဲယမ်းနဲ့တကွ လူခို့အနီးမှာ KNLA တပ်ရင်း(၂၇)နဲ့ ကော်ဘရာစစ်ကြောင်းအဖွဲ့က ဖမ်းဆီးရမိခဲ့တာဖြစ်ပါတယ်။
