Times City ၌ Halloween Bazaar ကျင်းပနေ

အာဏာသိမ်းစစ်ကောင်စီက တစ်နိုင်ငံလုံးအတိုင်းအတာနှင့် အကြမ်းဖက်မှုများလုပ်ဆောင်နေသည့် အချိန်တွင် UAB ဘဏ်က ဦးစီး၍ Halloween Bazaar ကို Times City ၌ ပြုလုပ်နေသည်။

ယခင်ကျင်းပနေကျ ဘန်ကာက်ညဈေးများ၏ ပုံစံအတိုင်း ဈေးရောင်းပွဲတော်ကို ကျင်းပနေခြင်းဖြစ်ပြီး အောက်တိုဘာ ၂၈ မှ ၃၀ အထိပြုလုပ်မည်ဖြစ်သည်။

ဆိုင်ခန်း တစ်ရာခန့် ဖွင့်လှစ်ရောင်းချနေခြင်းဖြစ်ပြီး လူသုံးကုန်ပစ္စည်းများ ၊ အလှကုန်များ အစားအသောက်များ အဓိကရောင်းချသည်။

ဈေးရောင်းပွဲတွင် ဖျော်ဖြေရေးအစီအစဉ်များလည်း ပါဝင်ပြီး လူငယ်အများစု လာရောက်လည်ပတ်၍ အမှတ်တရ ဓာတ်ပုံများရိုက်ကူးကြသည်ကိုတွေ့ရသည်။

Public Service Announcement

စစ်အစိုးရအဆက်ဆက်ဝန်ကြီး​ဟောင်းဦး​အောင်​သောင်၏သား​ UAB ဘဏ်ပိုင်ရှင် ဦး​နေ​အောင်သည် အာဏာသိမ်းအစိုးရလက်ထက်တွင် စစ်​ကောင်စီကိုအကူအညီ​ပေး​နေသလို စစ်တပ်နှင့်နီးစပ်မှုဖြင့်စီးပွား​ရေးလုပ်ငန်းများပိုမိုတိုးချဲ့​နေသည်။ Ooredoo Myanmar အ​ရောင်းအဝယ်ပြုလုပ်ခဲ့ပြီး​နောက် ပြည်တွင်း၌လုပ်ငန်းလည်ပတ်မှုကို ဦး​နေ​အောင်၏ ANANDA ကဦး​ဆောင်လုပ်ကိုင်ခွင့်ရထားပြီး ရှယ်ယာတစ်စိတ်တစ်ပိုင်းကိုလည်းပိုင်ဆိုင်ခွင့်ရရှိထား​ကြောင်း People’s Spring ၏ယုံကြည်ရ​သောသတင်းရင်းမြစ်များထံမှသိရသည်။