ဧရာဝတီတိုင်းတွင်စစ်​ကောင်စီထွေအုပ်ရုံးဝန်ထမ်းလျှောက်ထားသူမရှိဘဲလိုအပ်​၍ရပ်ကွက်အတွင်းဆင်းခေါ်ယူ​နေ

ဧရာဝတီတိုင်းတွင်စစ်ကောင်စီ၏အ​ထွေ​ထွေအုပ်ချုပ်​ရေးဦးစီးဌာန (ထွေအုပ်ရုံး)ဝန်ထမ်းများလိုအပ်​​နေပြီးအလုပ်​လျှောက်သူနည်းပါးသော​ကြောင့် ရပ်ကွက်များထဲအထိ ဆင်း၍ လူခေါ်နေ​ကြောင်းဧရာဝတီတိုင်းမှ ဒေသခံများကပြောသည်။

” ထွေအုပ်စာရေးအချို့ ရပ်ကွက်ထဲလာပြီး ထွေအုပ်မှာလျှောက်ဖို့နဲ့ အခုနေ လျှောက်ရင် သေချာပေါက် အလုပ်ရမှာဖြစ်တယ်လို့ လာပြောတယ်။ သူတို့ရုံးတွေမှာ လူမရှိတော့ဘူးလို့လည်းသိရတယ်” ဟု ဧရာဝတီတိုင်း ဓနုဖြူမြို့ခံတစ်ဦးကပြောသည်။

ထို​ကြောင့်ထွေအုပ်ဝန်ထမ်းအချို့သည် ခရိုင်အုပ်ချုပ်ရေးမှူး၏ နှုတ်မိန့်ဖြင့် ဝန်ထမ်းသစ်ရှာဖွေနေရသည်ဟု Non CDM ဝန်ထမ်းတစ်ဦးကပြောသည်။

” ထွေအုပ်စာရေးနေရာအတွက် လူလိုအပ်နေတာ။CDM တွေနေရာ ထပ်ဖြည့်ထားပေမယ့် မလုံလောက်ဘူး။ ခရိုင်မမှူးက အတင်းရှာခိုင်းနေတယ်” ဟု ပုသိမ်မြို့မှ ထွေအုပ်ဝန်ထမ်းတစ်ဦးကပြောသည်။

Public Service Announcement

ထိုကဲ့သို့ လူခေါ်နေသော်လည်း လျှောက်မည့်သူမရှိသလို အမှန်တကယ်အလုပ်ရရန်အတွက်လည်း ကျပ်သိန်း ၃၀ခန့် လာဘ်ထိုးရန်လိုသည်ဟု အထက်ပါ ထွေအုပ်ဝန်ထမ်းကပြောသည်။

ဝန်ထမ်းအင်အားဆယ်သိန်းကျော်ရှိသည့်အနက်စစ်တပ်

အာဏာသိမ်းမှုကို ဆန့်ကျင်သည့် ဌာနဆိုင်ရာဝန်ထမ်း သုံးသိန်းကျော်သည် ပြည်သူနှင့်ပူးပေါင်းကာ CDM ပြုလုပ်ခဲ့​သည်။ စစ်ကောင်စီလက်အောက်မှ Non CDM ဝန်ထမ်းအချို့သည် နှုတ်ထွက်ရန်ကြိုးစားနေခြင်းနှင့် ကျန်းမာရေးအကြောင်းပြကာ ခွင့်ယူနေကြခြင်းစသည်တို့​ကြောင့် စစ်ကောင်စီတွင် ဝန်ထမ်းအင်အား မလုံလောက်သည့် ပြဿနာကြုံနေရသည်ဟု Non CDMဝန်ထမ်းတစ်ဦးကပြောသည်။

CDM ပြုလုပ်သည့် ဌာနဆိုင်ရာ ဝန်ထမ်းများတွင် ပညာရေးဌာနက တစ်သိန်းခွဲခန့်နှင့် အများဆုံးဖြစ်ပြီးကျန်းမာရေးဌာနမှာ ဒုတိယအများဆုံးဖြစ်သည်ဟုအမျိုးသားညီညွတ်ရေးအစိုးရက ဖွဲ့စည်းထားသည့် CDM Success Committee မှ အဖွဲ့ဝင်တစ်ဦးကပြောသည်။