ငွေကြေးတောင်းခံမှုမပေး၍ ပြုလုပ်ခြင်းဟု ဒေသခံများပြော
ကချင်ပြည်နယ် ဖားကန့်မြို့နယ် မှော်စီစာကျေးရွာရှိ စိန်စိန်ကျောက်စိမ်းတူးဖော်ရေးလုပ်ကွက်ကို ယနေ့နေ့လည်တွင် စစ်ကောင်စီတပ် ဝင်ရောက်စီးနင်းပြီး ဆီဘောက်ဆာယာဉ်များနှင့် စက်ယန္တယားအချို့အား မီးရှို့ဖျက်ဆီးသွားသည်ဟု ဒေသခံများက ပြောသည်။
“ဆီဘောက်ဆာတွေကို ဖွင့်ချပြီး မီးရှို့တာ။ ဘက်ဖိုးတစ်စီး၊ မြေသယ်ကားတစ်စီးပါသွားတယ်။ ဆီဘောက်ဆာတွေလည်း မီးထဲပါသွားတယ်”ဟု ဖားကန့်ဒေသခံတစ်ဦးက ပြောသည်။
စိန်စိန် ကျောက်စိမ်းတူးဖော်ရေးလုပ်ကွက်ကို စစ်ကောင်စီက ယနေ့(ဒီဇင်ဘာ ၃၀ရက်) နေ့လည် ၁၂နာရီ ၄၅မိနစ်တွင် အကြမ်းဖက်ဝင်ရောက်စီးနင်းပြီးနောက် မီးရှို့ဖျက်ဆီးခြင်းဖြစ်သည်။
စစ်ကောင်စီက ၎င်းတို့တောင်းခံသည့် ငွေကြေးမပေး၍ လာရောက်မီးရှို့ခြင်းဟု ဒေသခံများကပြောသည်။
Public Service Announcement
“ဖားကန့်ကို လာကြည့်။စ…(စစ်ကောင်စိတပ်သား)တွေလုပ်သမျှ အကုန်ဗရမ်းပတာကြီးပဲ။ KIA နဲ့ PDF ကိုသာကြောက်တာ။ ပြည်သူကိုကျ အနိုင်ကျင့်နေတာ”ဟု ဖားကန့်ဒေသခံတစ်ဦးက ပြောသည်။
KIA ၊ PDF ပူးပေါင်းအဖွဲ့နှင့် စစ်ကောင်စီတပ်သည် ဖားကန့်တွင် ဒီဇင်ဘာာ ၆ရက်နှင့် ၇ ရက်က တစ်ကြိမ်၊ ဒီဇင်ဘာ ၂၃ရက်က တစ်ကြိမ် တိုက်ပွဲဖြစ်ပွားပြီး ယခုရက်ပိုင်းအတွင်း ငြိမ်သက်နေသည်။
