နိုင်ငံတစ်ဝန်းပြည်သူ့ခုခံတွန်းလှန်စစ်စတင်ပြီလို့ စက်တင်ဘာ ၇ ရက်က NUG အစိုးရက ကြေညာပြီးချိန်မှာပဲ လက်နက်ကိုင်တော်လှန်မှုအရှိန်မြှင့်လာပါတယ်။
ရန်ကုန်မှာတော့ အစစ်အဆေးတွရှိနေတဲ့ကြားကပဲ ပုံမှန်သွားလာနေကြတာတွေ့ရတယ်လို့ ရန်ကုန်မြို့ မြို့နယ်အတော်များများကို ရောက်ခဲ့တဲ့ အငှားယာဥ်မောင်းတစ်ဦးက ပြောပါတယ်။
“စမ်းချောင်း ဂွစျေးတစ်ဝိုက် ဗဟိုလမ်းမကြီးနဲ့ လမ်းသွယ်တွေက လွဲလို့ ကျန်တဲ့နေရာတွေ ပုံမှန်သွားရပါတယ်။ မြောက်ဥက္ကလာ၊ လှည်းတန်း၊ သမိုင်း၊ မရမ်းကုန်း အကုန်သွားခဲ့တာ ပုံမှန်ပါပဲ ” လို့ အဲအငှားယာဥ်မောင်းက ပြောပါတယ်။
ဆူးလေပတ်ဝန်းကျင်နဲ့ ရန်ကုန်မြို့ထဲ လိုင်းကားနဲ့သွားခဲ့သူတစ်ဦးကတော့ အခုလို ပြောပါတယ်။
Public Service Announcement
“လိုင်းကား၊ စျေးသည် ပုံမှန်ပဲ။ လူတွေလည်း သွားလာနေကြတာပါပဲ။ ပုံမှန်နီးပါးပါပဲ။ တစ်ချို့နေရာတွေကားတွေတောင်ပိတ်နေတာ။ စစ်ကားတွေပတ်နေတာတော့ရှိတယ်” လို့ ပြောပါတယ်။
စက်တင်ဘာ ၉ ရက်က ရန်ကုန်မြို့ စမ်းချောင်းမြို့နယ်မှာ စစ်ကောင်စီတပ်ဖွဲ့တွေကားပေါ်ကို ဗုံးပစ်သွင်းပြီး ပစ်ခတ်ခဲ့တဲ့အတွက် ဗိုလ်မှုးအဆင့်နဲ့ စစ်သားတစ်ဦး သေဆုံးခဲ့ပါတယ်။
အဲဒီနောက် စမ်းချောင်းမြို့နယ် ပတ်ဝန်းကျင်မှာ အစစ်အဆေးတွေအရမ်းများနေပြီး လမ်းတွေပိတ်တာ ဆိုင်တွေပိတ်ခိုင်းတာတွေအထိ ဒီကနေ့ စက်တင်ဘာ ၁၀ ရက်တစ်ရက်လုံး ဆောင်ရွက်နေတာရှိပါတယ်။
