အရပ်သားအစိုးရကိုဖြုတ်ချ အာဏာသိမ်းပြီး ၇ လကျော်အကြာမှာတော့ မြန်မာကျပ်ငွေ တန်ဖိုး ဆက်တိုက်ကျဆင်းနေသလို ပြည်တွင်း ရွှေဈေးနဲ့ အမေရိကန်ဒေါ်လာဈေးဟာလည်း တရှိန်ထိုးမြင့်တက် နေပါတယ်။
ရွှေဈေးဟာဆိုရင် အာဏာမသိမ်းခင် ဇန်နဝါရီလဈေးနဲ့ ၇ လကျော်အကြာ လက်ရှိ စက်တင်ဘာလ ပေါက်ဈေးနှိုင်းယှဉ်ရင် ငါးသိန်းခုနှစ်သောင်းကျော် ဈေးတက်လာတာကိုတွေ့ရပါတယ်။
အလားတူပါပဲ အမေရိကန် ဒေါ်လာဈေးဟာ တဒေါ်လာကို အာဏာမသိမ်းခင်က ၁၃၃၃ ကျပ်ရှိနေရာကနေ အခုတော့ ဈေးကွက်မှာ ၂၀၅၀ ထိ ရှိလာပါတယ်။
ဒါဟာ ပြည်တွင်းမှာသမိုင်းတလျောက် အမြင့်ဆုံး စံချိန်တင်ဈေးနှုန်းတွေလည်းဖြစ်ပါတယ်။
Public Service Announcement
ဒေါ်လာဈေးကို ဗဟိုဘဏ်က သတ်မှတ်ပေးပေမယ့်အဲဒီဈေးဟာ ဈေးကွက်မှာ အလုပ်မဖြစ်ဘူးလို့ သိရပါတယ်။
ငွေလဲကောင်တာတစ်ခုကိုဆို သူတို့ရဲ့ဖေ့ဘွတ်ခ်မှာ ဗဟိုဘဏ်က သတ်မှတ်ထားတဲ့ဈေးနဲ့ လာရောက်သူ အလွန်နည်းပါးတယ်လို့ရေးသားထားပါတယ်။ ဒါကြောင့် အဲဒီဗဟိုဘဏ် သတ်မှတ်ဈေးနဲ့ ပြန်ရောင်းဖို့အခက်အခဲရှိတာကို နားလည်ပေးကြဖို့မေတ္တာရပ်ခံထားတာတွေ့ရပါတယ်။
