မန္တလေးတိုင်းဒေသကြီးလွှတ်တော်ရုံးနှင့် ချမ်းအေးသာစံမြို့နယ် တရားရုံးတို့ကို ဖောက်ခွဲတိုက်ခိုက်ခဲ့ကြောင်းမြနန္ဒာစစ်ဆင်ရေး(မန္တလေး)က အသိပေးထားသည်။
ဖေဖော်ဝါရီ ၂၁ ရက် နံနက် ၉နာရီ ၅၀မိနစ်တွင် မန္တလေးတိုင်းလွှတ်တော်ရုံးကို အဝေးထိန်းမိုင်းဖြင့် တိုက်ခိုက်ခဲ့ပြီး စစ်ကောင်စီတပ်ဖွဲ့ဝင်များ ဒဏ်ရာရကြောင်း ယင်းအဖွဲ့က ထုတ်ပြန်ထားသည်။
ယင်းစစ်ဆင်ရေးတွင် စစ်ကောင်စီဘက်မှ ပြန်လည်ပစ်ခတ်မှုများရှိသော်လည်း အဖွဲ့သားအားလုံးဘေးကင်းကြောင်း မြနန္ဒာစစ်ဆင်ရေး၏ ထုတ်ပြန်ချက်၌ ဖော်ပြထားသည်။
ထို့ပြင် နံနက် ၁၀ နာရီ ၁၀မိနစ်တွင် အပြစ်မဲ့ပြည်သူများနှင့် တော်လှန်ရေးရဲဘော်များကို မတရားစီရင်ချက်ချနေသည့် ချမ်းအေးသာစံမြို့နယ် တရားရုံးကို အသံမိုင်းဖြင့် သတိပေးဖောက်ခွဲခဲ့ကြောင်းလည်း ထုတ်ပြန်ထားသည်။
Public Service Announcement
မြနန္ဒာစစ်ဆင်ရေးအနေဖြင့် ယမန်နေ့ (ဖေဖော်ဝါရီ၂၀) ကလည်း ချမ်းမြသာစည်မြို့နယ်ရှိ အလယ်အလတ် အခွန်ထမ်းများဆိုင်ရာ အခွန်ရုံးကိုလည်း လက်ပစ်ဗုံးပစ်၍ တိုက်ခိုက်ခဲ့သည်။
ထို့ကြောင့် ပြည်သူများအနေဖြင့်လည်း စစ်ဆင်ရေးများ လုပ်ဆောင်နိုင်ရန်အတွက် ထောက်ပံ့ကူညီပေးရန် ယင်းအဖွဲ့မှ တာဝန်ရှိသူတစ်ဦးက မေတ္တာရပ်ခံထားသည်။
ထောက်ပံ့လိုသူများအနေဖြင့် မြနန္ဒာစစ်ဆင်ရေး ၏ ဖေ့စ်ဘွတ်ခ် ၊ တယ်လီဂရန်တို့မှ ဆက်သွယ်နိုင်ကြောင်း ၎င်းက ပြောသည်။
