အလှန်ပစ်ခတ်မှုဖြစ်ပွားပြီး သရက်ခရိုင်တပ်ရင်း(၄)မှ ရဲဘော်အချို့ ကျဆုံး
မကွေးတိုင်း မင်းလှမြို့နယ် ဒီးဒုတ်ကန်ရွာအနီး စစ်ကောင်စီစစ်ဆေးရေးဂိတ်တွင်အပြန်အလှန်ပစ်ခတ်မှုဖြစ်ပွားပြီးနောက် ရဲဘော်အချို့ကျဆုံးခဲ့ရကြောင်း သရက်ခရိုင် PDF တပ်ရင်း(၄)မှ တာဝန်ရှိသူတစ်ဦးက People’s Spring သတင်းဌာနသို့ ပြောသည်။
မေ ၂၉ ရက်နေ့ည ၈ နာရီခွဲခန့်ကသရက်ခရိုင်တပ် ရင်း(၄)မှ ရဲဘော်အချို့လိုက်ပါလာသော ဖောကားတစ်စီးသည် ဒီးဒုတ်ကန်ရွာ စစ်တပ်စစ်ဆေးရေးဂိတ်သို့ဖြတ်စဥ်အပြန်အလှန်ပစ်ခတ်မှု ဖြစ်ပွားခဲ့ခြင်းဖြစ်သည်။
“ဖြစ်စဥ်ကမှန်တယ်။ သရက်-ကံမ-မင်းတုန်းတပ်ဖွဲ့ ကျနော်တို့ သရက်ခရိုင်တပ်ရင်း(၄)က ရဲဘော်တွေဖြစ်ပါတယ်”ဟု အပြန်အလှန်ပစ်ခတ်မှုတွင် တော် လှန်ရေးရဲဘော်အချို့ ကျဆုံးခဲ့သည့်အပေါ် တပ်ရင်း (၄)မှ တာဝန်ရှိသူတစ်ဦးက People’s Spring သို့ အတည်ပြုသည်။
အထက်ပါ ဒီးဒုတ်ကန်စစ်ဆေးရေးဂိတ်၌ အပြန်အ လှန်ပစ်ခတ်မှုဖြစ်သည်ကို စစ်ကောင်စီကဖော်ပြရာတွင် ပစ်ခတ်မှုအတွင် PDF (၈)ဦးကို အသေဖမ်းမိပြီး လက်နက် (၇)လက်သိမ်းဆည်းရရှိသည်ဟုဆိုသည်။ သို့သော် PDF တပ်ဖွဲ့ဝင်ကျဆုံးမှုအရေအတွက်ကို People’s Spring ကသီးခြားအတည်မပြုနိုင်သေးပါ။
Public Service Announcement
အလားတူ ပစ်ခတ်မှုတွင်စစ်ကောင်စီဘက်က ထိခိုက်မှုရှိ၊မရှိကိုလည်း မသိရသေးပေ။
၂၀၂၂ ခုနှစ်ဇွန်လအတွင်းကလည်း ပွင့်ဖြူမြို့နယ်မဲဇလီတံတားတွင် သရက်-ကံမ-မင်းတုန်းတပ်ဖွဲ့(သရက်ခရိုင် တပ်ရင်း -၄)တပ်ဖွဲ့ဝင်များလိုက်ပါလာသည့်ဖောကားတစ်စီး စစ်ကောင်စီတပ်၏ချုံခိုတိုက်ခိုက်ခြင်းခံရပြီး ရဲဘော် ၁၂ ဦးခန့်ကျဆုံးကာ တပ်ဖွဲ့ဝင်အချို့လွတ်မြောက်ခဲ့သည်။
