မွန်ပြည်နယ်၊ သိမ်ဇရပ်မြို့နယ်အတွင်း နယ်မြေစိုးမိုးရေးနှင့် စစ်ဆေးရေးလုပ်ငန်းများ ဆောင်ရွက်ခဲ့ကြောင်း ကျိုက်ထိုတော်လှန်ရေးအင်အားစု တာဝန်ရှိသူက ပြောသည်။
ယမန်နေ့ (သြဂုတ် ၁၈ရက်)နံနက် ၇ နာရီခန့်ကစ၍ နံနက် ၁၁နာရီခန့်အထိ သိမ်ဇရပ်မြို့အနီးရှိ ကမ်းနီ တိုးဂိတ်၊ ပုဂံဘုရား၊ သထုံစု၊ ကျောက်ကလပ်၊ ပေရှစ်ဆယ်၊ သိမ်ဇရပ်မြို့အဝင်တို့တွင် စစ်ဆေးရေးဆောင်ရွက်ခဲ့သည်ဟု ဆိုသည်။
“စစ်ဆေးမှုကို ပြည်သူတွေ တကယ်စိတ်ရင်းနဲ့ ပူးပေါင်း ပါဝင်ခဲ့တယ်။ပြီးတော့ ပြည်သူတွေပေးတဲ့ အစားအသောက်တွေက စခန်းကို ပြန်မသယ်နိုင်အောင်များ ပြားလွန်ခဲ့တယ်။စစ်ဆေးမှုအတွင်းမှာတော့ ထူးထူးခြားခြား မရှိခဲ့ပါဘူး”ဟု KRF တာဝန်ရှိသူက လူထုနွေဦးသို့ ပြောသည်။
ထို့အတူ ပြည်သူများ၏ဝမ်းပန်းတသာ နွေးထွေးစွာဖြင့်ကြိုဆိုသောအပြုံးများအား မြင်တွေ့ရသောကြောင့် အလွန်ပင်ကျေနပ်ပျော်ရွှင်ရကြောင်းလည်း အသိပေးသည်။
Public Service Announcement
သိမ်ဇရပ်မြို့အနီး နယ်မြေစိုးမိုးရေးလုပ်ငန်းကို KNU/KNLA၊ KRF၊ ABSDF၊ ဝံပလွေနက်စစ်ကြောင်းအဖွဲ့နှင့် ကျိုက်ထို(ပကဖ)တို့ပူးပေါင်း ဆောင်ရွက်ခဲ့ကြောင်းလည်း KRF၏ ထုတ်ပြန်ချက်၌ ဖော်ပြသည်။
