Connect with us

Hi, what are you looking for?

သတင်း

ရွှေဘိုနယ်တွင် စစ်ကောင်စီတပ်က PDFယူနီဖောင်းဝတ်ပြီး ကျေးရွာစာသင်ကျောင်း မီးရှို့ဖျက်ဆီး

ကုလသမဂ္ဂ လူသားချင်းစာနာမှုဆိုင်ရာပေါင်းစပ်ညှိနှိုင်းရေးမှူးရုံး(UNOCHA)၏ ဧပြီ ၁၉ရက် ထုတ်ပြန်ချက်အရ မြန်မာနိုင်ငံတွင် လက်နက်ကိုင်ပဋိပက္ခကြောင့် အိုးအိမ်စွန့်ခွာ ထွက်ပြေးနေရသူ တစ်သန်းရှစ်သိန်းကျော် ရှိပြီဟု သိရသည်။

(ဒီပဲယင်းမြို့နယ်တွင် စစ်ကောင်စီတပ် စစ်ကြောင်းကြောင့် ပြည်သူများထွက်ပြေးတိမ်းရှောင်နေရစဥ်။ ဓာတ်ပုံ- ဒီပဲယင်းမြို့နယ်ညီနောင်များ)
(ဒီပဲယင်းမြို့နယ်တွင် စစ်ကောင်စီတပ် စစ်ကြောင်းကြောင့် ပြည်သူများထွက်ပြေးတိမ်းရှောင်နေရစဥ်။ ဓာတ်ပုံ- ဒီပဲယင်းမြို့နယ်ညီနောင်များ)

စစ်ကိုင်းတိုင်း၊ ရွှေဘိုမြို့နယ်တွင် PDF ယူနီဖောင်းဝတ်ဆင်ထားသည့် စစ်ကောင်စီတပ်သားများက ချီပါကျေးရွာရှိ စာသင်ကျောင်းမီးရှို့ဖျက်ဆီးပြီး ၎င်းတို့ပစ်ခတ်၍ ပြည်သူတစ်ဦး ကျည်ထိမှန်ထားကြောင်း ဒေသတွင်းသတင်းရင်းမြစ်များက ပြောသည်။

ယနေ့(ဩဂုတ် ၂၀ရက်)နံနက် ၄ နာရီခန့်က စစ်ကောင်စီတပ်သည် ရွှေဘိုမြို့နယ်ရှိ ချီပါတောင်ရွာနှင့် မြောက်ရွာသို့ စစ်ကြောင်းထိုး ဝင်ရောက်ခဲ့သည်။

၎င်းတို့ပစ်ခတ်မှုကြောင့် ချီ‌ပါမြောက်ရွာရှိ ပြည်သူတစ်ဦး ကျည်ထိမှန်ပြီး အရေးပေါ်ဆေးကုသမှုခံယူနေရကြောင်း ရွှေဘိုမြို့နယ်သတင်းအမှန်ပြန်ကြားရေးအဖွဲ့က ပြောသည်။

နံနက် ၇နာရီခွဲခန့်တွင် စစ်ကောင်စီတပ်က ချီပါတောင်ရွာစာသင်ကျောင်း ပစ်ခတ်ဝင်ရောက်ကာ ဒေသခံအများအပြား ဖမ်းဆီး၍ ဖုန်းများသိမ်းဆည်းခဲ့ကြောင်း၊ ထို့အပြင် စာသင်ကျောင်းမီးရှို့ဖျက်ဆီးခဲ့ကြောင်း ဒေသခံများက ပြောသည်။

Public Service Announcement

Public Service Announcement

“လက်နက်ကြီးတွေနဲ့ ပစ်ခတ်ပြီး အင်အား ၁၅၀ခန့်နဲ့ စစ်ကြောင်းထိုးလာတာ။ ရွှေဘိုအနောက်ဘက်ခြမ်း ချီပါရွာ၊ ကျည်ပွေ့ကုန်းရွာခံတွေ ရှောင်နေရတယ်။”ဟု ဒေသခံတစ်ဦးက ပြောသည်။

Public Service Announcement
Public Service Announcement

ထို့အပြင် နေ့လယ် ၁၂နာရီခန့်တွင် စစ်ကောင်စီတပ်က PDF ယူနီဖောင်းများ ဝတ်ဆင်၍ ချီပါတောင်ရွာနှင့် မြောက်ရွာသို့ ဝင်ရောက်ခဲ့ခြင်းဖြစ်ကြောင်း ဒေသခံများက ပြောသည်။

အဆိုပါ စစ်ကောင်စီတပ်စစ်ကြောင်းကြောင့် ချီပါတောင်၊မြောက်ကျေးရွာ၊မဲတောကျေးရွာနှင့် ကျည်ပွေ့ကုန်းကျေးရွာတို့မှ ဒေသခံပြည်သူ ၈,၀၀၀ကျော် ထွက်ပြေးတိမ်းရှောင်နေရကြောင်း သတင်းရရှိသည်။

အလားတူ ဒီပဲယင်းမြို့နယ်တွင်လည်း စစ်ကောင်စီတပ်က စစ်ကြောင်းထိုး ဝင်ရောက်နေ၍ ကျေးရွာအချို့ ထွက်ပြေးတိမ်းရှောင်နေရကြောင်း ဒီပဲယင်းမြို့နယ်ညီနောင်များအဖွဲ့က ပြောသည်။

ကုလသမဂ္ဂ လူသားချင်းစာနာမှုဆိုင်ရာပေါင်းစပ်ညှိနှိုင်းရေးမှူးရုံး(UNOCHA)၏ ဧပြီ ၁၉ရက် ထုတ်ပြန်ချက်အရ မြန်မာနိုင်ငံတွင် လက်နက်ကိုင်ပဋိပက္ခကြောင့် အိုးအိမ်စွန့်ခွာ ထွက်ပြေးနေရသူ တစ်သန်းရှစ်သိန်းကျော် ရှိပြီဟု သိရသည်။

ဆက်စပ်သတင်းများ

သတင်း

စစ်ကိုင်းတိုင်း၊ တန့်ဆည်မြို့နယ်က စာသင်ကျောင်းကို စစ်တပ်က ဂျက်ဖိုက်တာ ၂စီးနဲ့ ဗုံးကြဲတိုက်ခိုက်ခဲ့တယ်လို့ ဒေသခံသတင်းရင်းမြစ်တချို့က ပြောပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

Facebook