Connect with us

Hi, what are you looking for?

သတင်း

မြင်းခြံရှိ နာမည်ကျော်အမျိုးသမီးပျူခေါင်းဆောင်နှင့်အဖွဲ့ စစ်ဆေးရေးပြုလုပ်နေချိန် PDFကဒရုန်းဖြင့်တိုက်ခိုက်

နိုဝင်ဘာလ ၇ ရက်နေ့ နံနက်ပိုင်းက မြင်းခြံမြို့မှထွက်လာပြီး မြင်းခြံမြို့နယ်၊ နနွင်းတော်ဘိုးရွာအနီး၌ စစ်ဆေးရေးလုပ်နေစဥ် ဒရုန်းဖြင့် ဗုံးချတိုက်ခံခဲ့ရခြင်းဖြစ်သည်။

(နွားထိုးကြီး​-တောင်သာ လမ်း​ပေါ်တွင် ၂၀၂၂ ဧပြီလက လမ်းလုံခြုံ​ရေးလုပ်​နေ​သောPDF များ။ ဓါတ်ပုံ-NPDF)
(နွားထိုးကြီး​-တောင်သာ လမ်း​ပေါ်တွင် ၂၀၂၂ ဧပြီလက လမ်းလုံခြုံ​ရေးလုပ်​နေ​သောPDF များ။ ဓါတ်ပုံ-NPDF)

မန္တလေးတိုင်း၊ မြင်းခြံမြို့က နာမည်ကျော်အမျိုးသမီးပျူစောထီးခေါင်းဆောင် ဒေါ်သီတာယုမွန်နှင့်ပျူအဖွဲ့ စစ်ဆေးရေးလုပ်နေချိန် ဗုံးချတိုက်ခိုက်ခံရာ ၎င်းအပါအဝင် ပျူ ၄ ဦး ထိခိုက်မှုရှိကြောင်းနွားထိုးကြီး PDF မှတာဝန်ရှိသူက​ပြော သည်။

နိုဝင်ဘာလ ၇ ရက်နေ့ နံနက်ပိုင်းက မြင်းခြံမြို့မှထွက်လာပြီး မြင်းခြံမြို့နယ်၊ နနွင်းတော်ဘိုးရွာအနီး၌ စစ်ဆေးရေးလုပ်နေစဥ် ဒရုန်းဖြင့် ဗုံးချတိုက်ခံခဲ့ရခြင်းဖြစ်သည်။

ထိုဗုံးကြောင့် ဒေါ်သီတာယုမွန်မှာ ခြေခုံရိုး ခြေဖမိုး ဗုံးဆံထိမှန် ဒဏ်ရာရခဲ့ပြီး အခြားပျူ၃ဦးလည်း ဒဏ်ရာရခဲ့ကြောင်း၊ ၎င်းတို့အားလုံး မန္တလေး၌ ဆေးကုနေရကြောင်း မြင်းခြံလူထုလှုပ်ရှားမှုကော်မတီက အသိပေးသည်။

ဒေါ်သီတာယုမွန်သည် မြင်းခြံခရိုင်၌ စစ်အုပ်စုနှင့်ပေါင်းကာ ပျူစောထီးခေါင်းဆောင်အဖြစ် လှုပ်ရှားနေသူဖြစ်သည်။

Public Service Announcement

Public Service Announcement

“သူတို့ စစ်ဆေးရေးလုပ်နေတဲ့အချိန် ကျွန်တော်တို့က နောက်ကျောကနေ ဝင်ပြီးတော့မှ ဒရုန်းနဲ့ဗုံးကြဲတိုက်ခိုက်လိုက်တာ။သီတာယုမွန် ဒဏ်ရာရသွားတယ်။ ပျူစောထီးနှစ်ကောင်လည်း အဲနားမှာတင် ပွဲချင်းပြီးသွားတယ်။”ဟု နွားထိုးကြီး PDFအဖွဲ့၏ တာဝန်ခံက ပြောသည်။

ထိုအပြင် ယင်းနေ့မှာပင် မြင်းခြံမှ နွားထိုးကြီးမြို့နယ်ဘက်သို့ အိမ်စီးကားနှစ်စီးဖြင့်မောင်းနှင်လာသော စစ်ကောင်စီတပ်ဖွဲ့ကိုလည်း လျှော်ဖြူရွာအနီး၌ မိုင်းဆွဲတိုက်ခိုက်ခဲ့​သေးကြောင်း အထက်ပါတာဝန်ခံက ပြောသည်။

နိုဝင်ဘာလ ၇ ရက်နေ့ကပင် မြင်းခြံမြို့နယ်၊ ပျားရွာအနီး၌ စစ်တပ်နှင့်ဒေသတွင်းတော်လှန်ရေးအင်အားစုများ တိုက်ပွဲဖြစ်ပွားခဲ့သည်။ စစ်အုပ်စု၏လက်နက်ကြီးဖြင့် ပစ်ခတ်မှုကြောင့် အသက်၃နှစ်အရွယ်ကလေးငယ်တစ်ဦးသေဆုံးပြီး ပြည်သူ၅ ဦး ဖမ်းဆီးသတ်ဖြတ်ခံခဲ့ရသည်။ ထို့အပြင် ပျားရွာရှိ နေအိမ်၆၀ ကျော် မီးရှို့ဖျက်ဆီးခံခဲ့ရသည်။

ဆက်စပ်သတင်းများ

သတင်း

ပဲခူးတိုင်း၊ နတ်တလင်းမြို့နယ်မှာ ကင်းပတ်ထွက်လာတဲ့ စစ်တပ်လက်အောက်ခံ ပျူစောထီးအဖွဲ့ဝင်တွေ တိုက်ခိုက်ခံရပြီး ၂ ဦး သေဆုံးခဲ့တယ်လို့ ပဲခူးတိုင်းစစ်ဌာနက ဒီနေ့ အောက်တိုဘာ ၃၀ ရက် ညပိုင်းမှာ ထုတ်ပြန်ပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား