Connect with us

Hi, what are you looking for?

နိုင်ငံတကာ

အစ္စရေး-ဟစ်ဇ်ဘိုလာ တင်းမာမှုကြောင့် အရှေ့အလယ်ပိုင်း ပဋိပက္ခတွေ ပိုမိုကျယ်ပြန့်လာမှာကို စိုးရိမ်ရ

လက်ဘနွန် ပိုင်နက်ထဲမှာ နက်နက်ရှိုင်းရှိုင်း တည်ရှိတဲ့ ဟစ်ဇ်ဘိုလာ ပြောက်ကျား စခန်းတွေကို အစ္စရေးက ပစ်မှတ်ထား တိုက်ခိုက်ခဲ့ခြင်းနဲ့အတူ အရှေ့အလယ်ပိုင်းမှာ ပိုမိုကျယ်ပြန့်တဲ့ စစ်ပွဲကြီးတစ်ခု ဖြစ်ပေါ်လာမှာကို စိုးရိမ်မှုတွေ မြင့်တက်လာပါတယ်။

လက်ဘနွန် ပိုင်နက်ထဲမှာ နက်နက်ရှိုင်းရှိုင်း တည်ရှိတဲ့ ဟစ်ဇ်ဘိုလာ ပြောက်ကျား စခန်းတွေကို အစ္စရေးက ပစ်မှတ်ထား တိုက်ခိုက်ခဲ့ခြင်းနဲ့အတူ အရှေ့အလယ်ပိုင်းမှာ ပိုမိုကျယ်ပြန့်တဲ့ စစ်ပွဲကြီးတစ်ခု ဖြစ်ပေါ်လာမှာကို စိုးရိမ်မှုတွေ မြင့်တက်လာပါတယ်။

ပြီးခဲ့တဲ့ သီတင်းပတ်ကုန်က အစ္စရေး ထိန်းချုပ်ထားရာ ဂိုလန် ကုန်းမြင့်ဒေသမှာရှိတဲ့ ဘောလုံးကွင်း တစ်ခုကို ဒုံးကျည် ထိမှန်လို့ ကလေးငယ်တွေနဲ့ ဆယ်ကျော်သက်တွေ စုစုပေါင်း ၁၂ ဦး သေဆုံးခဲ့ပါတယ်။ အဲဒီဧရိယာမှာရှိတဲ့ အစ္စရေး စစ်စခန်းတွေကို ဟစ်ဇ်ဘိုလာတွေက တိုက်ခိုက်ခဲ့ဖူးပြီး အခုကိစ္စဟာလည်း ဟစ်ဇ်ဘိုလာ လက်ချက်လို့ အစ္စရေး စစ်တပ် (IDF)က စွပ်စွဲခဲ့ပါတယ်။ IDFနဲ့ ဟစ်ဇ်ဘိုလာတွေဟာ တပ်တွေချင်း ထိပ်တိုက်ရင်ဆိုင်တွေ့တဲ့ စစ်ပွဲကြီး အဆင့်ထိ မဟုတ်ပေမယ့် ဂါဇာစစ်ပွဲ ကာလတလျှောက်လုံးနီးပါး အစ္စရေးမြောက်ပိုင်းနဲ့ လက်ဘနွန် နယ်စပ်မှာ အပြန်အလှန် ဒုံးကျည်တွေ၊ ဒရုန်းတွေနဲ့ ပစ်ခတ်နေခဲ့ကြပြီး ထိခိုက်သေကြေမှုတွေလည်း နှစ်ဖက်စလုံးမှာ ရှိခဲ့ပါတယ်။

ဒါပေမဲ့ ဇူလိုင် ၂၇ ရက်နေ့၊ ဘောလုံးကွင်း တိုက်ခိုက်ခံရမှု ဖြစ်စဉ်အပြီးမှာတော့ အစ္စရေးက လက်ဘနွန်ပိုင်နက် အတွင်းပိုင်းထဲက ဟစ်ဇ်ဘိုလာ ပစ်မှတ်တွေကို လက်တုံ့ပြန်ခဲ့ခြင်းနဲ့အတူ အရှေ့အလယ်ပိုင်းမှာ နောက်ထပ် စစ်ပွဲသစ်တစ်ခု ဖြစ်လာနိုင်ခြေအပေါ် စိုးရိမ်မှုတွေ မြင့်တက်လာတာပါ။

Public Service Announcement

Public Service Announcement

ဟစ်ဇ်ဘိုလာတွေက ဂိုလန်မှာရှိတဲ့ ဘောလုံးကွင်းကို ဒုံးကျည်နဲ့ပစ်တာ သူတို့မဟုတ်ကြောင်း အပြင်းအထန် ငြင်းဆိုထားပေမယ့် IDFရော၊ အစ္စရေးရဲ့ မဟာမိတ် အမေရိကန်ကပါ ဟစ်ဇ်ဘိုလာ လက်ချက်လို့ အတိအလင်း စွပ်စွဲခဲ့ပါတယ်။

အစ္စရေးက ကနဦးအဆင့် လက်တုံ့ပြန်မှုတွေအပြီး ပိုမို ပြင်းထန်တဲ့ စစ်ရေးအရ အရေးယူမှုတွေကို စဉ်းစားနေတယ်လို့ ပြောကြားထားခြင်းကလည်း စိုးရိမ်မှုတွေကို ပိုမြင့်တက်လာစေပါတယ်။ နိုင်ငံပိုင်နက်ထဲမှာသာ စစ်ဖြစ်လာရင် ကြားညပ်ပြီး အထိနာမယ့် လက်ဘနွန် အစိုးရကတော့ အစ္စရေးကို ထိန်းပေးဖို့ အမေရိကန်ကို တောင်းဆိုထားပါတယ်။

ဒီအတောအတွင်း အမေရိကန်ကနေ အစ္စရေးကို ကတိုက်ကရိုက် ပြန်ရောက်လာတဲ့ အစ္စရေး ဝန်ကြီးချုပ် ဘင်ဂျမင် နေတန်ညာဟုက ကာကွယ်ရေး ဝန်ကြီးနဲ့ ဆွေးနွေးပြီး ဟစ်ဇ်ဘိုလာတွေကို ဘယ်အချိန်မှာ၊ အတိုင်းအတာ ဘယ်လောက်နဲ့ လက်တုံ့ပြန်မလဲ ဆိုတာကို ညှိနှိုင်းနေတယ်လို့ သိရပါတယ်။ တစ်ဖက်မှာတော့ အရှေ့အလယ်ပိုင်း ဒေသက သံတမန် အသိုက်အဝန်းတွေဟာ ပဋိပက္ခကို နောက်ပြန်လှည့်လို့ မရတဲ့အထိ ဆိုးရွားမသွားခင် အရှိန်လျှော့ချနိုင်ရေး အပြင်းအထန် အားထုတ်နေကြပါတယ်။

အီဂျစ်နိုင်ငံခြားရေး ဝန်ကြီးဌာနက လက်ဘနွန်မှာပါ စစ်ပွဲဖြစ်ပွားလာနိုင်တဲ့ အန္တရာယ်မျိုးနဲ့ အမှန်တကယ် နီးစပ်လာပြီး ဒီအခြေအနေဟာ အရှေ့အလယ်ပိုင်း ဒေသတစ်ခုလုံးနဲ့ ဆက်နွှယ်တဲ့ ပဋိပက္ခကြီးဆီ တွန်းပို့သလို ဖြစ်သွားနိုင်ကြောင်း သတိပေးထားပါတယ်။

အစ္စရေး ကာကွယ်ရေး ဝန်ကြီး ယိုအက်ဗ် ဂဲလန့်က မက်ဂျ်ဒဲလ်ရှမ်စ် မြို့မှာ အသက်ပေးလိုက်ရတဲ့ အပြစ်မဲ့ ကလေးငယ်တွေရဲ့ မိသားစုတွေနဲ့ထပ်တူ ဝမ်းနည်း ကြေကွဲကြောင်း၊ အီရန်ရဲ့ လက်ဝေခံ အကြမ်းဖက်အုပ်စု ဟစ်ဇ်ဘိုလာတွေဟာ ဒီလုပ်ရပ်အတွက် သေချာပေါက် ပြန်ပေးဆပ်ရမှာဖြစ်ကြောင်း လူမှုကွန်ရက် Xမှာ ရေးသားထားပါတယ်။

အစ္စရေးနဲ့ ဟစ်ဇ်ဘိုလာတို့ကြား စစ်ရေး တင်းမာလာမှုတွေက လက်ရှိ ဂါဇာစစ်ပွဲအတွက် အပစ်အခတ် ရပ်စဲရေး ဆွေးနွေးမှုတွေကိုပါ လမ်းကြောင်းချော်စေမယ့် အလားအလာတွေကို ဖြစ်ပေါ်လာစေကြောင်းလည်း သိရပါတယ်။

ကိုးကား: Washington Post

ဆက်စပ်သတင်းများ

နိုင်ငံတကာ

မဲမသမာမှု၊ မဲခိုးမှုတွေကြောင့်သာ ဝန်ကြီးချုပ် ဘင်ဂျမင် နေတန်ညာဟုဟာ အစ္စရေး ရွေးကောက်ပွဲမှာ ပြတ်ပြတ်သားသား အနိုင်မရခဲ့တာ ဖြစ်တယ်လို့ သူ့ရဲ့ ပါတီက စွပ်စွဲ ပြောကြားလိုက်ပါတယ်။

နိုင်ငံတကာ

ကနဦး မဲရေတွက်မှု ရလဒ်တွေအရ အစ္စရေး ရွေးကောက်ပွဲဟာ ကြိုတင် မျှော်လင့်ထားတဲ့အတိုင်း တိတိကျကျ အဖြေမပေါ်ဘဲ ကျဉ်းထဲကျပ်ထဲ အခြေအနေမျိုး ကြုံလာမယ့် ရလဒ်ဆီ ဦးတည်နေကြောင်း သိရပါတယ်။

နိုင်ငံတကာ

အောက်တိုဘာ ၂၇ ရက်နေ့မှာ ကျင်းပမယ့် အစ္စရေး ရွေးကောက်ပွဲမှာ ဝန်ကြီးချုပ် ဘင်ဂျမင် နေတန်ညာဟုက အာဏာလက်လွတ် ဆုံးရှုံးသွားနိုင်တယ်လို့ ထင်ကြေးတွေ ထွက်ပေါ်နေပေမယ့် အတိုက်အခံတွေ ဖက်မှာလည်း အစိုးရ ဖွဲ့နိုင်လောက်အောင် ရှင်းလင်းတဲ့ အင်အားစုမျိုး မတွေ့ရသေးပါဘူး။ ရွေးကောက်ပွဲ နီးကပ်လာခဲ့တဲ့ ပြီးခဲ့တဲ့ ရက်ပိုင်းတွေအတွင်း...

နိုင်ငံတကာ

အစ္စရေး ခရီးသည် အများစု လိုက်ပါလာတဲ့ လေယာဉ်ကို အနုကြမ်းစီးဖို့ အားထုတ်မှုမှာ တိုက်ခိုက်သူဟာ အစ္စရေးရဲ့ အကြီးဆုံး နိုင်ငံတကာ လေဆိပ်ထဲ လေယာဉ်ကို ထိုးဆင်းပြီး ဖောက်ခွဲဖို့ ကြံစည်ထားခဲ့ကြောင်း စုံစမ်းရေး အရာရှိတွေက ပြောကြားခဲ့ပါတယ်။

Facebook