'/%3E%3C/svg%3E){kind=small}
ပြည်သူတွေရဲ့ ကြိုးပမ်းမှု အပြင် နိုင်ငံတကာအသိုင်းအဝိုင်းရဲ့ အားပေးကူညီမှုတွေကြောင့် မြန်မာနိုင်ငံမှာ စစ်အာဏာရှင် သက်တမ်းကြာနိုင်မှာမဟုတ်ဘူးလို့ ဒေါ်အောင်ဆန်းစုကြည်ရဲ့ သားငယ် ကိုထိန်လင်းခေါ် ကင်မ်က ဒီနေ့မှာ ကျရောက်တဲ့ အာဇာနည်နေ့မှာပြောလိုက်ပါတယ်။
ဒီနေ့ဟာ ၇၄ နှစ်မြောက် အာဇာနည်နေ့ဖြစ်ပြီး လန်ဒန်မှာ ပြည်ပရောက်မြန်မာတွေ စုရုံးကာ အာဇာနည်နေ့ကိုကျင်းပခဲ့ကြပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ရဲ့သားငယ် တက်ရောက်ခဲ့တာပါ။
အဲဒီအခမ်းအနားမှာ ကိုထိန်လင်းက အဖိုးဖြစ်သူ ဗိုလ်ချုပ် အောင်ဆန်း အပါအဝင် ကျဆုံးခဲ့တဲ့ အာဇာနည် ခေါင်းဆောင်တွေကို ဂါဝရပြုကြောင်းနဲ့ မြန်မာပြည်သူ လူထုအတွက် အားပေးစကားပြောခဲ့တာလည်းဖြစ်ပါတယ်။
