အမျိုးသားညီညွတ်ရေးအစိုးရ (NUG) လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီးအဖြစ် ဦးမော်ထွန်းအောင်အား ပြည်ထောင်စုလွှတ်တော်ကိုယ်စားပြုကော်မတီက အတည်ပြုခန့်အပ်တာဝန်ပေးလိုက်ကြောင်း ယနေ့သတင်းထုတ်ပြန်သည်။
ဦးမော်ထွန်းအောင်သည် ၂၀၂၀ ရွေးကောက်ပွဲတွင် ရှမ်းတိုင်းရင်းသားဒီမိုကရေစီအဖွဲ့ချုပ်(SNLD) ကိုယ်စားပြု၍ ရှမ်းပြည်နယ် အမျိုးသား လွှတ်တော်မဲဆန္ဒနယ် အမှတ်( ၅ )တွင်ဝင်ရောက် ယှဥ်ပြိုင်ခဲ့သူဖြစ်သည်။ တွင်းထွက် သဘာဝသယံဇာတနှင့် ပတ်သပ်၍ပညာရှင်လူငယ်တစ်ဦးဖြစ်သော ဦးမော်ထွန်းအောင်သည် ၂၀၂၀ ရွေးကောက်ပွဲတွင်လူသိ့များပြီး ရွေးကောက်ပွဲတွင် အကြိတ်အနယ်ယှဥ်ပြိုင်နိုင်ခဲ့ပြီး အနိုင်ရ အမတ်နှင့်မဲ အနည်းငယ်သာကွာဟခဲ့သည်။
သို့သော် ၎င်းယှဥ်ပြိုင်သော မဲဆန္ဒနယ်တွင် အငြင်းပွားမှုများရှိသဖြင့် ဦးမော်ထွန်းအောင်သည် ရွေးကောက်ပွဲကော်မရှင်သို့ ကန့်ကွက်လွှာတင်သွင်းထားသည်။
စစ်အာဏာသိမ်းမှု ကြုံတွေ့ခဲ့ပြီးနောက်တောက်လျှောက် စစ်အာဏာသိမ်းမှုကို ဆန့်ကျင်တော်လှန်နေပြီး ပြည်သူနှင့်အတူရပ်တည်နေသူဖြစ်သည်။
