Connect with us

Hi, what are you looking for?

LuduNwayOo

News

CDFနှင့် တိုက်ပွဲဖြစ်၍ သုံးရက်အတွင်း စစ်ကောင်စီ ၁၄ဦး သေဆုံး၊ CDF တစ်ဦးကျ

“CDF-Matupi က သုံးဦးကျဆုံးပြီး တစ်ဉီးဒဏ်ရာရခဲ့ပါတယ်။ စကစဘက်က အနည်းဆုံး ​လေးဦးကျဆုံးပြီး အများအပြား ဒဏ်ရာရတယ်လို့သိရပါတယ်” ဟု မင်းတပ်မြို့နယ်ပြည်သူ့အုပ်ချုပ်ရေးသတင်းအဖွဲ့က သတင်းထုတ်ပြန်သည်။

မင်းတပ်၊ ကန်ပက်လက်နှင့် မတူပီ မြို့နယ်များမှ ချင်းကာကွယ်ရေးတပ်ဖွဲ့(CDF)နှင့် အာဏာသိမ်း စစ်ကောင်စီတပ်အကြား ဇူလိုင် ၂၇ရက်မှ ၃၀ရက်အထိ လေးရက်အတွင်းတိုက်ပွဲများ ဆက်လက်ဖြစ်ပွားခဲ့ရာ နှစ်ဖက်ထိခိုက်ကျဆုံးမှုရှိခဲ့ပြီး စစ်ကောင်စီဘက်က ပိုမိုအထိနာခဲ့သည်။

မင်းတပ် CDFနှင့် အာဏာသိမ်းစစ်တပ်တို့ အပစ်ရပ်စဲရေးသက်တမ်းတိုးရန် ဆွေးနွေးမှုပျက်ပြယ်ပြီးနောက် ဇူလိုင် ၂၁ရက်မှ တိုက်ပွဲဖြစ်ပွားမှု အခြေအနေများကို မင်းတပ်မြို့နယ်ပြည်သူ့အုပ်ချုပ်ရေးသတင်းအဖွဲ့က ယမန်နေ့ညက အပိုင်းလိုက် ထုတ်ပြန်ခဲ့ရာ ဇူလိုင် ၂၇ရက်မှ ၂၉ ရက်အတွင်း တိုက်ပွဲဖြစ်ပွားမှုများ၌ စစ်ကောင်စီတပ်မှ ၁၄ဦး သေဆုံးခဲ့သည်ဟု ဆိုသည်။

CDF က သိမ်းပိုက်ထားသည့် မကွီအိမ်နူးစခန်းကို ဦးတည်လာသည့် အာဏာသိမ်းတပ်၏ စစ်ကြောင်းတစ်ကြောင်းသည် ကန်ပက်လက်မြို့နယ်မှ ချီတက်လာရာ မင်းတပ်နှင့် ကန်ပန်လက် CDFများက ပူးပေါင်းတိုက် ခိုက်ခဲ့သည်ဟု ဖော်ပြထားသည်။

“မင်းတပ်နှင့် ကန်ပက်လက်နယ်စပ်နားက ခါနန်းရွာမှာ အဲဒီချီတက်လာတဲ့ စကစ စစ်ကြောင်းကို CDF-Mindat, CDF-Kanpetlet ပူးပေါင်းတပ်တို့က ဆီးကြိုတိုက်ခိုက်ခဲ့ပြီး စကစတပ်တွေ အကျအဆုံးများစွာ ပြန်ဆုတ်သွားခဲ့ရပါတယ်။ စကစဘက်က အနည်းဆုံး ၁၀ ဦးကျဆုံး၊ ဒဏ်ရာအများအပြား ရရှိခဲ့ပြီး CDF ဘက်ကတော့ ဒဏ်ရာရသူ မရှိခဲ့ပါဘူး” ဟု ထုတ်ပြန်ချက်၌ ရေးသားထားသည်။

ထို့နောက် ဇူလိုင် ၂၉ တွင် မင်းတပ်-မတူပီလမ်း ၇၄ မိုင်တွင် မင်းတပ်နှင့် မတူပီ CDF ပူးပေါင်းအဖွဲ့နှင့် စစ်ကောင်စီတပ်တို့ ည ၇နာရီမှစ၍ ၅နာရီကြာ တိုက်ပွဲဖြစ်ခဲ့ရာ နှစ်ဖက်ထိခိုက်ဒဏ်ရာရမှုရှိကြောင်း ဖော်ပြထား သည်။

“CDF-Matupi က သုံးဦးကျဆုံးပြီး တစ်ဉီးဒဏ်ရာရခဲ့ပါတယ်။ စကစဘက်က အနည်းဆုံး ​လေးဦးကျဆုံးပြီး အများအပြား ဒဏ်ရာရတယ်လို့သိရပါတယ်” ဟု မင်းတပ်မြို့နယ်ပြည်သူ့အုပ်ချုပ်ရေးသတင်းအဖွဲ့က သတင်းထုတ်ပြန်သည်။

အဆိုပါနေရာတွင် ဇူလိုင် ၃၀ရက်၌ တိုက်ပွဲများဆက် လက်ဖြစ်ပွားနေဆဲဖြစ်သော်လည်း ထိခိုက်ဒဏ်ရာရမှုအခြေအနေများကို မသိရသေးဟုဆိုသည်။

မင်းတပ်မြို့နယ်တွင် တစ်လနီးပါးအကြာ အပစ်အခတ်ရပ်စဲရေး ပျက်ပြယ်ပြီးနောက် ပြင်းထန်သည့် တိုက်ပွဲများ အကြိမ်ကြိမ်ဖြစ်ပွားခဲ့ကြောင်း မင်းတပ်မြို့နယ် ပြည်သူ့အုပ်ချုပ်ရေး သတင်းအဖွဲ့က ထုတ်ပြန်ခဲ့သည်။

You May Also Like

သတင်း

မိုင်းဖောက်ခွဲတိုက်ခိုက်မှုအတွင်း စစ်ကောင်စီယာဥ်တန်းနှင့် စစ်ကောင်စီတပ်ဖွဲ့ဝင် အများအပြား ထိခိုက်သေဆုံးမှုရှိနိုင်ပြီး အတည်ပြုနိုင်ခြင်း မရှိသေးဟု PDFက ဆိုသည်။

သတင်း

ရွှေဘိုမြို့အဝင်ရှိ စစ်ကောင်စီ စစ်ဆေးရေးဂိတ် သည် ခရီးသွားပြည်သူများအား စစ်ဆေးခြိမ်းခြောက်ငွေတောင်းခြင်း၊ ဖမ်းဆီး​နှိပ်စက်ခြင်းများ မကြာခဏ ပြုလုပ်နေကြောင်း ဒေသခံများက ပြောသည်။

သတင်း

အကြမ်းဖက်စစ်ကောင်စီက သံမိုးတောင်ရွာအား လေယာဉ်ဖြင့်ဗုံးကြဲတိုက်ခိုက်ခဲ့ခြင်းကြောင့် အရပ်သားပြည်သူများ ထိခိုက်သေဆုံးမှုနှင့် ဒဏ်ရာရရှိမှုများ ရှိသည်ဟု သိရကြောင်း ထုတ်ပြန်သည်။

သတင်း

အိမ်ခြေ ၁၃၀ကျော်ရှိ ခဝါသည်ရွာကို စစ်ကောင်စီတပ် မီးရှို့ခဲ့ရာ နေအိမ် ၉၅ လုံး ပျက်စီးခဲ့ရကြောင်း အသိပေးထားသည်။ မီးလောင်မှုကြောင့် စားနပ်ရိက္ခာများ၊ အဝတ်အထည်နှင့် အိမ်အသုံးအဆောင်များ မီးလောင်ပျက်စီးခဲ့ရသည်ဟု ဆိုသည်။