Connect with us

Hi, what are you looking for?

LuduNwayOo

News

KNU တပ်မဟာ(၅)နယ်မြေ၌ ဇူလိုင်လအတွင်း တိုက်ပွဲ ၁၃၀ကျော်ဖြစ်၊ စစ်ကောင်စီတပ်မှ ၆၅ဦးသေ

ကရင်အမျိုးသားအစည်းအရုံး(KNU) တပ်မဟာ(၅)နှင့် အာဏာသိမ်းစစ်ကောင်စီတို့သည် ဇူလိုင်လအတွင်းက တိုက်ပွဲ ၁၃၃ကြိမ်ဖြစ်ပွားခဲ့ရာ စစ်ကောင်စီတပ်ဖွဲ့ဝင် ၆၅ဦးသေဆုံးပြီး ၁၀၁ဦး ဒဏ်ရာရရှိခဲ့သည်ဟု တပ်မဟာ(၅)က ယနေ့သတင်းထုတ်ပြန်သည်။

ထို့ပြင် စစ်ကောင်စီတပ်ဘက်က စစ်ကား နှစ်စီးပျက်စီးပြီး လားနှစ်ကောင်သေဆုံးကာ လားလေးကောင် ဒဏ်ရာရရှိကြောင်းသိရသည်ဟု ဖော်ပြထားသည်။

KNU တပ်မဟာ(၅)ဘက်မှ ကျဆုံးသူမရှိဘဲ ဒဏ်ရာရသူ သုံးဦးသာရှိသည်ဟု ထုတ်ပြန်ခဲ့သည်။

အာဏာသိမ်းစစ်ကောင်စီနှင့် ၎င်း၏ လက်အောက်ခံ နယ်ခြားစောင့်တပ်ဖွဲ့(BGF)များသည် ဒေသခံ ပြည်သူများ နေထိုင်ရာအရပ်သို့ လက်နက်ကြီးများပစ်ခတ်ခဲ့သည့်အပြင် အများပြည်သူအသုံးပြုသည့် လမ်းပေါ်တွင် မိုင်းများထောင်ခဲ့ကြောင်း ထုတ်ပြန်ချက်၌ ပါရှိသည်။ မိုင်းကြောင့် ပြည်သူလေးဦး ဒဏ်ရာရရှိခဲ့ပြီး စစ်ကောင်စီတပ်မီးရှို့၍ လူနေအိမ်ခြေ ငါးလုံး ပျက်စီးခဲ့သည်ဟုဆိုသည်။ စစ်ကောင်စီတပ်အနေဖြင့် ပြည်သူပိုင် ပစ္စည်းများနှင့် ကျွဲ၊ နွား၊ တိရိစ္ဆာန်များကို လုယက်စားသောက်မှုများလည်းရှိခဲ့ကြောင်း ဖော်ပြထားသည်။

တိုက်ပွဲဖြစ်နေစဉ်ကာလအတွင်း BGFတပ်မှ နှစ်ဦး လက်နက်ချခဲ့ကြောင်း၊ လက်နက်ငယ် ​လေးလက်သိမ်း ဆည်းရမိခဲ့ကြောင်း ထုတ်ပြန်ခဲ့သည်။

ဇူလိုင်လအတွင်း၌ KNU တပ်မဟာ(၁)နယ်မြေတွင်လည်း စစ်ကောင်စီတပ်ကို ခုခံတိုက်ခိုက်မှုများ ပြုလုပ်ခဲ့သည်။

KNU တပ်မဟာ ခုနစ်ခုရှိသည့် အနက် KNU တပ်မဟာ (၅)နယ်မြေတွင် တိုက်ပွဲဖြစ်ပွားမှု အများဆုံးဖြစ်ပြီး စစ်တပ်အာဏာသိမ်းပြီးနောက် တိုက်ပွဲများဆက်တိုက်ဖြစ်ပွားခဲ့သည်။

You May Also Like

သတင်း

မိုင်းဖောက်ခွဲတိုက်ခိုက်မှုအတွင်း စစ်ကောင်စီယာဥ်တန်းနှင့် စစ်ကောင်စီတပ်ဖွဲ့ဝင် အများအပြား ထိခိုက်သေဆုံးမှုရှိနိုင်ပြီး အတည်ပြုနိုင်ခြင်း မရှိသေးဟု PDFက ဆိုသည်။

သတင်း

ရွှေဘိုမြို့အဝင်ရှိ စစ်ကောင်စီ စစ်ဆေးရေးဂိတ် သည် ခရီးသွားပြည်သူများအား စစ်ဆေးခြိမ်းခြောက်ငွေတောင်းခြင်း၊ ဖမ်းဆီး​နှိပ်စက်ခြင်းများ မကြာခဏ ပြုလုပ်နေကြောင်း ဒေသခံများက ပြောသည်။

သတင်း

အကြမ်းဖက်စစ်ကောင်စီက သံမိုးတောင်ရွာအား လေယာဉ်ဖြင့်ဗုံးကြဲတိုက်ခိုက်ခဲ့ခြင်းကြောင့် အရပ်သားပြည်သူများ ထိခိုက်သေဆုံးမှုနှင့် ဒဏ်ရာရရှိမှုများ ရှိသည်ဟု သိရကြောင်း ထုတ်ပြန်သည်။

သတင်း

အိမ်ခြေ ၁၃၀ကျော်ရှိ ခဝါသည်ရွာကို စစ်ကောင်စီတပ် မီးရှို့ခဲ့ရာ နေအိမ် ၉၅ လုံး ပျက်စီးခဲ့ရကြောင်း အသိပေးထားသည်။ မီးလောင်မှုကြောင့် စားနပ်ရိက္ခာများ၊ အဝတ်အထည်နှင့် အိမ်အသုံးအဆောင်များ မီးလောင်ပျက်စီးခဲ့ရသည်ဟု ဆိုသည်။