မြန်မာစစ်တပ် တာဝန်ယူမှု၊ တာဝန်ခံမှုရှိစေရေးအတွက် နိုင်ငံများက အမြန်ဆုံး အရေးယူဆောင်ရွက်ကြဖို့ အမေရိကန်နိုင်ငံခြားရေးဝန်ကြီးက တိုက်တွန်းလိုက်ပါတယ်။
အမေရိကန်နိုင်ငံခြားရေးဝန်ကြီး ဘလင်ကင်ဟာ သြဂုတ် ၂ ရက်က ဒုတိယအကြိမ် မဲခေါင်-အမေရိကန် မိတ်ဖက်ဆက်ဆံရေး ဝန်ကြီးများအဆင့်အစည်းအဝေးကို ပူးတွဲဧည့်ခံကျင်းပရာမှာ မြန်မာ့အရေးကို ထည့်သွင်း ပြောကြားတာဖြစ်ပါတယ်။
အကြမ်းဖက်မှုအဆုံးသတ်ရေး၊ မတရားဖမ်းဆီးထိန်း သိမ်းထားသူများကို ပြန်လွှတ်ပေးရေးနဲ့ နိုင်ငံတော်ကို ဒီမိုကရေစီလမ်းကြောင်းပေါ် ပြန်လည်လျှောက်လှမ်းစေရေးအတွက် မြန်မာစစ်အာဏာရှင်ကိုဖိအားပေးရာမှာ ဝိုင်းဝန်းပူးပေါင်းအရေးယူဆောင်ရွက်ဖို့ကိုလည်း ဝန်ကြီး ဘလင်ကင်က တိုက်တွန်းခဲ့ပါတယ်။
ဒါ့အပြင် အာဆီယံအနေနဲ့ ဧပြီကတည်းကသဘောတူဆုံးဖြတ်ချက် ၅ ရပ်ကို မြန်မာစစ်တပ်က အမြန်ဆုံးအကောင်အထည်ဖော်ရေးကို လုပ်ဆောင်ဖို့ ဘလင်ကင်က ပြောပါတယ်။
Public Service Announcement
