Connect with us

Hi, what are you looking for?

LuduNwayOo

News

KIOပိုင် ဘူးဂါးလျှပ်စစ်ကုမ္ပဏီမှ ဝန်ထမ်း​ခြောက်ဦးကို အကြမ်းဖက်စစ်ကောင်စီဖမ်းဆီး

ဖမ်းဆီးခေါ်ဆောင် သွား၍ ယနေ့တွင် ကုမ္ပဏီတာဝန်ရှိသူများက သွား ရောက်ဆွေးနွေးနေသည်ဟု ဆိုသည်။

ကချင်လက်နက်ကိုင်အဖွဲ့(KIO/KIA) ပိုင်သည့် ဘူးဂါးလျှပ်စစ်ကုမ္ပဏီမှ ဝန်ထမ်းခြောက်ဦးကို စစ်ကောင်စီက ယမန်နေ့ညပိုင်းတွင် ဖမ်းဆီးသွားကြောင်း အဆိုပါကုမ္ပဏီမှဝန်ထမ်းတစ်ဦးက ပြောသည်။

၀ိုင်းမော်မြို့နယ်ရှိ ဘူးဂါးလျှပ်စစ်ရုံးသို့ စစ်ကောင်စီတပ်ဖွဲ့ဝင်များလာရောက်ပြီး ယခုသို့ ဖမ်းဆီးခေါ်ဆောင် သွား၍ ယနေ့တွင် ကုမ္ပဏီတာဝန်ရှိသူများက သွား ရောက်ဆွေးနွေးနေသည်ဟု ဆိုသည်။

“ဘယ်လိုကြောင့်ဆိုတာ မသိသေးဘူး။ အခုမန်နေဂျာတွေက ၀ိုင်းမော်ဘက်သွားပြီးတော့ စကားပြောနေတယ်လို့တော့ ပြောတာပဲ။ညအရေးပေါ်အဖွဲ့တွေရှိတယ်။ ရှိတဲ့သူအကုန်လုံးတော့ မဟုတ်ဘူး ၆ယောက်ကိုပဲ ရွေးဖမ်းသွားတာ။ သူတို့ ဖုန်းတွေဘာတွေကြည့်တယ်လို့တော့ ပြောတယ်” ဟု ဝန်ထမ်းတစ်ဦးက ပြောသည်။

အဆိုပါဘူးဂါးလျှပ်စစ်ရုံးသည် ၀ိုင်းမော်ရှိ စစ်ကောင်စီ ၏ ခလရ (၅၈)တပ်ရင်းအနီးတွင်ရှိသည်ဟု ဆိုသည်။

အဆိုပါ ခလရ(၅၈)တပ်ကို ဇူလိုင် ၂၉ရက်က KIAက လာရောက်တိုက်ခိုက်ခဲ့သည်။ ထို့နောက်ပိုင်းတွင် အဆိုပါ ၅၈တပ်ရင်းမှ ပစ်ခတ်မှုများ ဆက်လက်ဖြစ်ပေါ်ခဲ့ရာ KIAက ၎င်းတို့ အနေဖြင့် ဇူလိုင် ၂၉ရက် တိုက်ခိုက်မှု နောက်ပိုင်းတွင် ထပ်မံတိုက်ခိုက်ခြင်းမပြုကြောင်း၊ စစ်ကောင်စီတပ်မှ တပ်လှန့်ခြင်း၊ တစ်ဖက်သတ်တိုက်ပွဲဖော်ခြင်းဖြစ်ကြောင်း ပြောကြားခဲ့သည်။

ဘူးဂါးလျှပ်စစ်ကုမ္ပဏီသည် မြစ်ကြီးနားမြို့အား အဓိက လျှပ်စစ်မီးပေးနေသည့် ကုမ္ပဏီဖြစ်သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

"ပြည်သူတွေကို အိမ်ထဲတွေထိ ဝင်ခေါ်ပြီး ဘုန်းကြီးကျောင်းတွေထဲမှာ ဖမ်းဆီးထားပြီး ဖုန်းတွေ သိမ်းထားတယ်လို့သိရပါတယ်"ဟု မုံရွာမြို့နယ်သတင်းမှန်ပြန်ကြားရေးက ပြောသည်။

သတင်း

ဖမ်းဆီး‌ခေါ်ဆောင်သွားခြင်း ခံရသူများအတွက် မိသားစုဝင်များက ထမင်း၊အဝတ်အစားပို့ရန် တပ်နှင့်ရဲစခန်းများသို့ သွားရောက်စုံစမ်းခဲ့သော်လည်း စုံစမ်း၍မရသေးကြောင်း ​ဒေသခံများက ပြောသည်။

သတင်း

ယမန်နေ့(အောက်တိုဘာလ ၁ ရက်)ကလည်း မြင်းခြံမြို့နယ်၊ မြောက်ကျွန်းကျေးရွာရှိ စစ်ကောင်စီတပ်၏ ယာယီအခြေစိုက်စခန်းအား ဒေသကာကွယ်ရေးအဖွဲ့(၉)ဖွဲ့က အလစ်အငိုက်ဝင်ရောက်တိုက်ခိုက်ရာ စစ်ကောင်စီအရာရှိတစ်ဦးအပါအဝင် ၆ ဦးထက်မနည်း သေဆုံးခဲ့သေးသည်။

သတင်း

ဖမ်းဆီးရမိထားသော ဓားပြဂိုဏ်းဝင်များနှင့် ၎င်းတို့လုယက်ဓားပြတိုက်ထားသော သက်သေခံ ပစ္စည်းများအားလုံးကို သက်ဆိုင်ရာအဆင့်ဆင့်သို့တင်ပြပြီး လွှဲပြောင်းအပ်နှံသွားမည်ဖြစ်ကြောင်း ရွှေဘိုခရိုင် PDF တပ်ရင်း (၁၈)က အသိပေးထားသည်။