စစ်ကောင်စီတပ်မှ ဒဏ်ရာရသူများအနက် တပ်ရင်းမှူးတစ်ဦး ပါဝင်ကြောင်း၊ KNU တပ်မဟာ(၅)ဘက်မှလည်း ငါးဦး ဒဏ်ရာရရှိခဲ့ပြီး ကျဆုံးသူ တစ်ဦးမျှ မရှိကြောင်း ထုတ်ပြန်ချက်၌ ဖော်ပြထားသည်။
စစ်ကောင်စီ၏ လက်ချက်ကြောင့် အရပ်သားငါးဦးသေဆုံးခဲ့ကြောင်း ထုတ်ပြန်ခဲ့ပြီး စစ်ကောင်စီတပ်က ဒေသခံ ပြည်သူများ လုပ်ကိုင်စားသောက်ရာနေရာများသို့ လက်နက်ကြီးများဖြင့် အချက်ပေါင်းများစွာပစ်ခတ်ခဲ့သည်ဟု ဖော်ပြထားသည်။ ထိုသို့ ပစ်ခတ်မှုကြောင့် ဒေသခံများ၏ နေအိမ်ခြောက်လုံး မီးလောင်ပျက်စီးခဲ့သည်ဟုဆိုသည်။
စစ်ကောင်စီတပ်က KNU တပ်မဟာ(၅)နယ်မြေသို့ လေကြောင်းမှ ကင်းထောက်မှုများ လုပ်ဆောင်ခဲ့၍ ဒေသခံပြည်သူများအား လေကြောင်းအန္တရာယ် သတိပေးချက် တန့်လှန့်ကာ ဘန်ကာ၊ ဗုံးခိုကျင်းများအနီး သွားလာနေထိုင်ရန် ညွှန်ကြားထားသည်ဟု ထုတ်ပြန်ခဲ့သည်။
KNU တပ်မဟာ(၅)နယ်မြေ ဖာပွန်ခရိုင်တွင် စစ်တပ်အာဏာသိမ်းပြီးနောက်ပိုင်း တိုက်ပွဲများ ဆက်တိုက်ဖြစ်ပွားခဲ့ပြီး လစဉ် တိုက်ပွဲရာနှင့်ချီဖြစ်ခဲ့သည်။ ဒေသတွင်းသို့ ထိုးစစ်ဆင် စစ်ရေးလှုပ်ရှားလာသည့် စစ်ကောင်စီတပ်များကို ကြားဖြတ်တိုက်ခိုက်ခြင်း၊ မိုင်းဖြင့်တိုက်ခိုက်ခြင်းများ လုပ်ဆောင်ခဲ့ကြောင်း KNU တပ်မဟာ(၅)က ပြောဆိုထားသည်။
Public Service Announcement
