ကရင်အမျိုးသားအစည်းအရုံး(KNU) တပ်မဟာ(၁)နှင့် အာဏာသိမ်းစစ်ကောင်စီတပ်တို့ ယနေ့နက်နံ ပိုင်းက ဘားအံမြို့နယ် တကောင်ဘိုးကျေးရွာအုပ်စု လယ်တောကြီးရွာနီး၌ တိုက်ပွဲဖြစ်ပွားခဲ့ရာ အကြမ်းဖက် စစ်အုပ်စုမှ သုံးဦးသေ၊ ငါးဦးဒဏ်ရာရခဲ့ကြောင်း တပ်မဟာ(၁)၏ သထုံခရိုင်က သတင်းထုတ်ပြန်သည်။
ယနေ့ တိုက်ပွဲတွင် KNU တပ်မဟာ(၁)ဘက်က ထိခိုက် ကျဆုံးမှုရှိမရှိကိုမူ ဖော်ပြမထားပေ။
လွန်ခဲ့သည့် ၅ရက်ခန့်ကလည်း အဆိုပါ တကောင်းဘိုးကျေးရွာအုပ်စုရှိ မီးပုံးကျေးရွာအနီး၌ စစ်ကောင်စီတပ်နှင့် KNU တပ်မဟာ(၁) တပ်ဖွဲ့ဝင်များ မိနစ်အနည်းငယ် တိုက်ပွဲဖြစ်ပွားခဲ့ရာ ထိုစဥင်္ကလည်း စစ်ကောင်စီတပ်က သုံးဦးကျဆုံးခဲ့သည်။
အဆိုပါ တပ်မဟာ(၁)နယ်မြေသို့ စစ်ကောင်စီတပ်နှင့် ၎င်း၏ လက်အောက်ခံ နယ်ခြားစောင့်တပ်ဖွဲ့တို့က စစ်ရေးလှုပ်ရှားမှုများ ယခင်ထက်ပိုမိုပြုလုပ်လာသောကြောင့် တိုက်ပွဲဖြစ်ပွားမှုများ မကြာခဏဆိုသလို ဖြစ်ပေါ်လျက်ရှိသည်။
Public Service Announcement
