ထိုင်းနိုင်ငံ ဘန်ကောက်မှာရှိတဲ့ လူဦးရေရဲ့ အနည်း ၇၀ ရာခိုင်နှုန်းကျော် ဒီလကုန်မှာ ကိုဗစ်ကာကွယ်ဆေးအကြိမ်ပြည့်ထိုးပြည့်ခဲ့ရင် နိုဝင်ဘာ ၁ ရက်မှာ နိုင်ငံခြားသားဧည့်သည်တွေကို ဝင်ရောက်ခွင့်ပြန်လက်ခံမယ်လို့ ကိုဗစ်အခြေအနေစီမံရေးစင်တာက ထုတ်ပြန်လိုက်ပါတယ်။
ပြီးခဲ့တဲ့ရက်ကပိုင်းကတော့ ထိုင်းနိုင်ငံဟိုတယ်နဲ့ခရီးသွားလာရေးဝန်ကြီးဌာနက အောက်တိုဘာ ၁၅ မှာ ပြန်ဖွင့်မယ်လို့ ပြောခဲ့ပြီးနောက် အစိုးရအဖွဲ့အတွင်း ကန့်ကွက်မှုတွေရှိခဲ့တာပါ။
ဘန်ကောက်မြို့တော်ဝန်ကတော့ ဘန်ကောက်မြို့ပေါ်လူဦးရေရဲ့ ၇၀ ရာခိုင်နှုန်းကျော်ကာကွယ်ဆေးအကြိမ်ပြည့်ထိုးမထားသေးဘဲ ဖွင့်ဖို့ကမဖြစ်နိုင်ဘူးလို့ ပြောထားပြီးတော့ အဲဒါမှပဲ ကူးစက်မှုရော ဆေးရုံတက်ရောက်ရတဲ့အရေအတွက်ရော ကျဆင်းမှာဖြစ်တယ်လို့ ပြောပါတယ်။
မြို့တော်ဝန်ကတော့ ပြန်ဖွင့်ဖို့အတွက် အချိန်ကို နိုဝင်ဘာလဆန်း ဒါမှမဟုတ် နိုဝင်ဘာလလယ်လောက်ကို ခန့်မှန်းထားတာဖြစ်ပါတယ်။
Public Service Announcement
ကိုဗစ်အခြေအနေစီမံရေးစင်တာ CCSA ကတော့ ဘန်ကောက်မှာရှိတဲ့ လူဦးရေ ၇ သန်းရဲ့ ၄၂ ရာခိုင်နှုန်းကို ကာကွယ်ဆေးနှစ်ကြိမ်ထိုးပြီးပြီးလို့ ပြောထားပါတယ်။
CCSA ရဲ့ ပြောရေးဆိုခွင့်ရှိသူပြောတာကတော့ လူဦးရေရဲ့ ၇၀ ရာခိုင်နှုန်း ကာကွယ်ဆေး အကြိမ်ပြည့်ထိုးနှံဖို့က ဒီလကုန်လောက်မှာ ပြီးစီးနိုင်မှာဖြစ်ပြီးပြီးတော့ ဟိုတယ်နဲ့ ခရီးဝန်ကြီးဌာနကိုလည်း နိုဝင်ဘာ ၁ ရက်မှာ ခရီးသွားတွေပြန်ဖွင့်နိုင်ဖို့ အကြံပြုချက်ပေးထားတာဖြစ်တယ်လို့ ဆိုပါတယ်။
တကယ်လို့ ပြန်ဖွင့်ခဲ့ရင် အခုလိုပဲ ဟိုတယ်ကွာရန်တင်းနှစ်ပတ်ပဲ ဆက်ရှိနေမလား၊ လျှော့ပေ့ါမလားဆိုတာကိုလည်းမသိရသေးပါဘူး။
