စစ်ကောင်စီနှင့် ပတ်သက်သူများကို စုံစမ်းမှတ်တမ်း တင်ထားပြီးဖြစ်ဟု ကလေးနှင့် Zoland PDF နှစ်ဖွဲ့ သတိပေးထုတ်ပြန်

တွန်းဇံမြို့နယ် တီးတိန်မြို့နယ် ကလေး ကဘော်ဒေသများအတွင်း အကြမ်းဖက်စစ်ကောင်စီကို ပူးပေါင်းကြသည့် လူပုဂ္ဂိုလ်များ၊ လက်နက်ကိုင်အဖွဲ့အစည်းများနှင့် ပတ်သက်ဆက်နွယ်နေသူများ၏ အချက်အလက်များ၊ လှုပ်ရှားမှုများအားလုံးကို စုံစမ်း မှတ်တမ်းတင်ထားပြီး လိုအပ်သလို အရေးယူဆောင်ရွက်သွားမည်ဟု ကလေး PDFနှင့် Zoland PDFတို့က ထုတ်ပြန်သည်။

ကလေးနှင့် Zoland ပြည်သူ့ကာကွယ်ရေးတပ်ဖွဲ့ နှစ်ခုအကြား မဟာမိတ်အဖြစ် ပူးပေါင်းလှုပ်ရှားမည်ဖြစ် ကြောင်း စက်တင်ဘာ ၂၆ရက်က ကြေညာရာတွင် ယင်းသို့ ထည့်သွင်းထုတ်ပြန်ခဲ့သည်။

အဆိုပါ PDFနှစ်ဖွဲ့သည် နွေဦးတော်လှန် ရေးစတင်သည့်နေ့မှစ၍ အတူတကွလက်တွဲလုပ်ဆောင်ခဲ့ ကြသော သွေးချင်းညီနောင်များမှ ပေါက်ဖွားလာသည့်တော်လှန်ရေး အဖွဲ့အစည်းများ ဖြစ်သည်ဟု ဆိုသည်။

ပြည်သူထဲမှပေါက်ဖွားလာသည့် မိမိတို့အဖွဲ့အစည်းများသည် စစ်အာဏာရှင်စနစ်အမြစ်ဖြတ်‌ရေး၊ ဖက်ဒရယ်ဒီမိုကရေစီရရှိရေး၊ ကိုယ်ပိုင်ပြဌာန်းခွင့်အစစ်အမှန်ရရှိရေး၊ ပြည်သူ့အာဏာ ပြည်သူ့ လက်ဝယ်တွင် အပြည့်အဝရှိရေး စသည့် ရည်မှန်းချက်များအတွက် မဆုတ်မနစ်တိုက်ပွဲဝင်သွားရန် သန္နိဌာန်ချထားသည်ဖြစ်ရာ အကြမ်းဖက်စစ်ကောင်စီနှင့်တကွ ပြည်သူ့ဆန္ဒမပါဘဲ စစ်အာဏာ ရှင်ကဲ့သို့ပြုမူသည့် အဖွဲ့အစည်းများအားလုံးကို တိုက်ခိုက်ချေမှုန်းသွားမည်ဟု ကြေညာခဲ့သည်။

Public Service Announcement

တွန်းဇံမြို့နယ်၊ တီးတိန်မြို့နယ်နှင့် ကလေး ကဘော်ဒေသများအတွင်း တော်လှန်ရေးအဖွဲ့အသီးသီးနှင့် PDF အဖွဲ့များကို နှောက်ယှက်ကာ အကြမ်းဖက်စစ်ကောင်စီကို တနည်းနည်းဖြင့် ပူးပေါင်းကြသည့် အိန္ဒိယ၊ မြန်မာ နယ်စပ်တလျှောက်ရှိ လူပုဂ္ဂိုလ်များ နှင့် လက်နက်ကိုင်အဖွဲ့အစည်းများ အနေဖြင့် ပြည်သူ့ဆန္ဒအားဆန့်ကျင်လျှက် ဆက်လက်ပြုမူ လှုပ်ရှားမည်ဆိုပါက မိမိတို့ညီနောင်မဟာမိတ်များမှ ပြန်လည်တိုက်ခိုက်ချေမှုန်းသွားမည်ဟုလည်း သတိပေးထားသည်။