‘အောင်လံလွှင့်ချီနွေဦးထီ’ ကံထူးခဲ့တဲ့ ၇၅ ထဲက ၆၂ ဦးဟာ ဆုကြေးအားလုံးကို အမျိုးသားညီညွတ်ရေးအစိုးရကို ပြန်လည်လှူဒါန်းမယ်လို့ဆန္ဒပြုထားကြောင်း နွေဦးထီမိသားစုက သတင်းထုတ် ပြန်ပါတယ်။
အမျိုးသားညီညွတ်ရေးအစိုးရရဲ့ နွေဦးထီရဲ့ ပထမဆုံး ထီဖွင့်လှစ်မှုကို ဒီနေ့ပြုလုပ်ခဲ့ပြီး ကံထူးရှင် ၇၅ ဦးထွက်ပေါ်ခဲ့ကာ ထီပေါက်စဉ်ကို ထီထိုးစဉ်ကလို နွေဦးထီ Chat Bot ထဲကနေ ထီတိုက်လို့ရကြောင်းလည်း အသိပေးထားပါတယ်။
“ကံထူးခဲ့တဲ့ ၇၅ ဦးထဲမှ ၆၂ ဦးဟာ မိမိတို့ရရှိတဲ့ဆုကြေးငွေများအား ပြန်လည်လှူဒါန်းဖို့ဆန္ဒပြုထား ကြတာကို အားတက်ဖွယ်ရာမြင်တွေ့ရပါတယ်။ ပြန်လည်လှူဒါန်းကြသူများကို အမျိုးသားညီညွတ်ရေးအစိုးရ စီမံကိန်း၊ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာနမှ ကျေးဇူးတင်ဂုဏ်ပြုမှတ်တမ်းလွှာများပေးပို့သွားမှာဖြစ်ပါတယ်” လို့ နွေဦးထီမိသားစုက ဆိုပါတယ်။
ပြည်သူအပေါင်းရဲ့တက်ကြွတဲ့တော်လှန်ရေးစိတ်ဓါတ်၊ အောင်စိတ်အပြည့်နဲ့ဆက်လက်ချီတက်ကြမယ်ဆိုရင် ပြည်သူတို့ရဲ့နွေဦးတော်လှန်ရေးဟာ ကြိမ်းသေအောင် မြင်မယ်လို့ ကြွေးကြော် ထားပါတယ်။
Public Service Announcement
နွေဦးထီရဲ့အမြင့်ဆုံး ဆုကြေးဟာ ၁၅ သိန်းကျပ် ဖြစ်ပြီး ရောင်းရငွေစုစုပေါင်းရဲ့ ၃၀ရာခိုင်နှုန်းကို ဆုကြေးအဖြစ် ပြန်လည်ပေးအပ်ကာ ၇၀ ရာခိုင်နှုန်းကို အကြမ်းဖက်စစ်ကောင်စီကို အာဏာဖီ ဆန်ကြတဲ့ နိုင်ငံ့ဝန်ထမ်း CDMer တွေ အတွက် သုံးစွဲသွားမှာဖြစ်ပါတယ်။
