နွေဦးထီ အထူးဆု ကျပ်သိန်း၁၀၀ ထပ်တိုးချီးမြှင့်မယ်

အောင်လံလွှင့်ချီနွေဦးထီ အထူးဆုအဖြစ် ကျပ်သိန်း ၁၀၀ထပ်တိုးချီးမြှင့်မည်ဖြစ်ကြောင်း အမျိုးသားညီညွတ်ရေးအစိုး(NUG)က ထုတ်ပြန်ကြေငြာလိုက်သည်။

ထိုဆုကို ဒီဇင်ဘာ ထီဖွင့်ပွဲမှစ၍ ကျပ်သိန်း ၁၀၀ အထူး ဆု ထည့်သွင်းဖွင့်လှစ်သွားမည်ဟု အမျိုးသားညီညွတ် ရေးအစိုးရအဖွဲ့၊ စီမံကိန်း၊ဘဏ္ဍာရေးနှင့် ရင်းနှီးမြှပ်နှံမူဝန်ကြီးဌာနက ယနေ့ ထုတ်ပြန်လိုက်ခြင်းဖြစ်သည်။

သို့​သော် နွေဦးထီလက်မှတ်စျေးနှုန်းများ ပြောင်းလဲခြင်း မရှိပဲ လက်မှတ်တစ်စောင်လျှင် ၂၀၀၀ ကျပ် နှုန်းဖြင့် အနည်းဆုံး ၅စောင်မှ အများဆုံး အစောင် ၅၀ ထိ ဝယ်ယူနိုင်မည်ဟု NUGက ဆိုသည်။

နွေဦးထီ ရှေပြေးစီမံကိန်း( pilot project) စတင်ချိန်မှ ယနေ့အထိ ပြည်သူများ၏ ဝန်းရံမူကြောင့် စစ်ကောင်စီ ၏ အောင်ဘာလေထီကို အလဲထိုးနိုင်ခဲ့သည်ဟု NUGကဆိုထားသည်။

Public Service Announcement

လစဉ် နွေဦးထီ ရောင်းရငွေ စုစုပေါင်း ဝင်ငွေ၏ ၇၀ ရာခိုင်နှုန်းကို တာဝန်သိ CDM ဝန်ထမ်းများအား ချီးမြှင့်သွားမည်ဟုလည်း NUGက ဆိုထားသည်။

အောင်လံလွှင့်ချီနွေဦးထီကို အမျိုးသား ညီညွတ်ရေးအစိုးရ(NUG)၊ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံရေးဝန်ကြီးဌာနက ဩဂုတ် ၁၅ရက်တွင် စတင်ရောင်းချခဲ့ခြင်းဖြစ်သည်။ အောက်တိုဘာ ၁ ရက်တွင် ပထမဦးဆုံး ထီဖွင့်ပွဲကို ကျင်းပခဲ့သည်။ တစ်ဆုလျှင် ကျပ် ၁၅ သိန်းချီးမြှင့်ခဲ့ခြင်းဖြစ်သည်။

ပထမဦးဆုံးထီပေါက်သူ ၇၅ ဦးအနက် ၆၂ ဦးက NUG ကို ပြန်လည်လှူဒါန်းထားသည်။