လှိုင်မြို့နယ်တွင် ယနေ့နံနက်အစောပိုင်းမှစတင်ကာ နေ့လယ်ပိုင်းအချိန်ထိ စစ်ကောင်စီတပ်များက ပြည်သူခြောက်ဦးကို ဖမ်းဆီးသွားကြောင်း ဒေသခံများက ပြောသည်။
စစ်ကောင်စီတပ်များ ဝင်ရောက်ရှာဖွေဖမ်းဆီးမှုများကျူးလွန်သည့် ရပ်ကွက်များတွင် လှိုင်မြို့နယ် (၁)ရပ်ကွက် (၂)ရပ်ကွက်နှင့် (၁၀)ရပ်ကွက်များဖြစ်ပြီး အမျိုးသမီးနှစ်ဦးနှင့် အမျိုးသားလေးဦး ဖမ်းဆီးခံရခြင်းဖြစ်သည်ဟု ဒေသသတင်းရင်းမြစ်တစ်ခုဖြစ်သည့် Hlaing Informationက ဖော်ပြသည်။
ဖမ်းဆီးမှုဖြစ်စဉ်များတွင် လှိုင်(၁)ရပ်ကွက် အောင်မင်္ဂလာ(၄)လမ်းမှ သုံးဦးကို နံနက် ၆ နာရီခန့်တွင်လည်းကောင်း (၂)ရပ်ကွက်ရှိ ဘုရင့်နောင်လမ်းမှ ပြည် သူနှစ်ဦးကို နံနက် ၁ နာရီခန့်တွင်လည်းကောင်း (၁၀)ရပ်ကွက် မာဃာလမ်းမှ ပြည်သူတစ်ဦးကို မွန်းတည့် ၁၂ နာရီခန့်တွင်လည်းကောင်း အသီးသီးဖမ်းဆီးခဲ့ခြင်းဖြစ်ကြောင်း သိရသည်။
ယမန်နေ့ညပိုင်းကလည်း လှိုင်မြို့နယ် (၁၃)ရပ်ကွက်တွင် ဖမ်းဆီးခံရသူအချို့ရှိခဲ့ပြီး ယမန်နေ့ညဦးပိုင်းက ယင်းမြို့နယ်အတွင်း ပေါက်ကွဲမှုသုံး ကြိမ်ဖြစ်ပွားခဲ့သည်။
Public Service Announcement
