ကရင်အမျိုးသားအစည်းအရုံး(KNU)တပ်မဟာ(၆) နယ်မြေ ကော့ကရိတ်မြို့နယ် မြို့ဟောင်းရွာအနီးတိုက်ပွဲနှစ်ကြိမ်ဖြစ်၍ စစ်ကောင်စီဘက်မှ ကိုးဦးသေဆုံးပြီး ၁၀ ဦးဒဏ်ရာရခဲ့သည်ဟု KNU ဗဟိုသတင်းနှင့်ပြန်ကြား ရေးဌာနက သတင်းထုတ်ပြန်သည်။
အောက်တိုဘာ၁၆ရက်က အင်အား ၁၄၀ခန့်ပါ စစ်ကောင် စီတပ်နှင့် KNUတပ်ဖွဲ့ဝင်များ နာရီဝက်ခန့် ထိတွေ့တိုက်ပွဲဖြစ်ခဲ့ပြီး စစ်ကောင်စီတပ်မှလေးဦးသေ၊ လေးဦး ဒဏ်ရာရခဲ့သည်ဟု ဖော်ပြထားသည်။
အောက်တိုဘာ၁၈ရက်တွင်လည်း မိနစ် ၄၀ခန့်ထိတွေ့တိုက်ပွဲထပ်မံဖြစ်ပွားခဲ့ရာ အာဏာသိမ်းစစ်ကောင်စီတပ်မှ ငါးဦးသေဆုံးပြီး ခြောက်ဦးဒဏ်ရာရခဲ့သည်ဟုဆို သည်။
စစ်ကောင်စီတပ်က လက်နက်ကြီးများဖြင့် ပစ်ခတ်ခဲ့၍ မြို့ဟောင်းရွာသို့ လက်နက်ကြီး ကျရောက်ပေါက်ကွဲခဲ့ကြောင်း ဖော်ပြထားသည်။
Public Service Announcement
ထို့ပြင် ခမရ(၅၅၆)မှ တပ်ရင်းမှူးနိုင်နိုင်လွင်သည် မောင်းမရွာသစ်ရှိ ရွာသားစျေးဆိုင်တစ်ဆိုင်ကိုလည်း မီးရှို့ဖျက်ဆီးခဲ့သည်ဟုလည်း ထုတ်ပြန်ခဲ့သည်။
ယခုလတွင် KNU တပ်မဟာ(၁)နှင့်တပ်မဟာ(၅)နယ်မြေများ၌လည်း စစ်ကောင်စီတပ်နှင့် တိုက်ပွဲများဖြစ်ပွားလျက်ရှိသည်။
